উত্তৰ প্ৰদেশৰ নম্বৰৰ এখন ট্ৰাক অসমৰ পৰা ট্ৰেন্সফৰ্মাৰ লৈ বিহাৰ পাইছিল। ট্ৰাকখন গৈ মুজাফ্ফৰপুৰ পাইছিল। উত্তৰ প্ৰদেশৰ UP-23 T- 9575 নম্বৰৰ মিনি ট্ৰাকখন অৰৰিয়া জিলাত প্ৰৱেশ কৰে। তাতেই অৰৰিয়া জিলাৰ নৰপাটগঞ্জ আৰক্ষীয়ে ট্ৰাকখন ৰখাই দিয়ে।
আৰক্ষীয়ে লক্ষ্য কৰে যে ট্ৰাকখনত এটা বৈদ্যুতিক ট্ৰেন্সফৰ্মাৰ ৰখা আছে। চালকজনক সোধা-পোছা কৰাৰ সময়ত তেওঁ ট্ৰেন্সফৰ্মাৰটো লৈ মুজাফ্ফৰপুৰলৈ যোৱা বুলি কয়। ইফালে নৰপাটগঞ্জ থানাৰ একাংশ আৰক্ষীয়ে ট্ৰাকখনত উঠি তালাচী আৰম্ভ কৰে। আৰক্ষীয়ে তালাচী আৰম্ভ কৰাৰ লগে লগে ‘ জোলোঙাৰ মেকুৰী ওলাই পৰে’ আৰু ট্ৰেন্সফৰ্মাৰৰ প্ৰকৃত সত্য পোহৰলৈ আহে।
ৰাষ্ট্ৰীয় দৈনিক কাকত নৱভাৰত টাইমছৰ বাতৰি মতে, তালাচীৰ সময়ত নৰপাটগঞ্জ আৰক্ষীয়ে ট্ৰেন্সফৰ্মাৰৰ ভিতৰত লুকুৱাই অনা বিলাতী সুৰাৰ বৃহৎ চালান উদ্ধাৰ কৰে। ট্ৰেন্সফৰ্মাৰৰ ভিতৰৰ পৰা উদ্ধাৰ কৰা হয় ৮৪২৪টা বটল অবৈধ বিলাতী সুৰা। লগে লগে এই গোচৰত ট্ৰাকখনৰ চালক আৰু সহায়কক গ্ৰেপ্তাৰ কৰে আৰক্ষীয়ে। এই সুৰা অসমৰ পৰা মুজাফ্ফৰপুৰলৈ লৈ যোৱা হৈছিল।
লগতে পঢ়কঃ ৩৬ বছৰ পিছত ছলমান ৰুছদিৰ ‘দ্য ছ্যেটেনিক ভাৰ্ছেছ’ গ্ৰন্থৰ আমদানিৰ ওপৰত নিষেধাজ্ঞা প্ৰত্যাহাৰ!
প্ৰকাশিত বাতৰি অনুসৰি, নৰপাটগঞ্জ আৰক্ষী থানাই এখন ট্ৰাকত অবৈধ সুৰা সৰবৰাহ কৰা বুলি গোপন তথ্য লাভ কৰিছিল। এই তথ্যৰ ভিত্তিত আৰক্ষীয়ে নৰপাটগঞ্জ থানা এলেকাৰ কলেজ চ’কৰ সমীপৰ ৫৭ নং ৰাষ্ট্ৰীয় ঘাইপথত যান-বাহন পৰীক্ষা কৰিবলৈ আৰম্ভ কৰে।
তালাচীৰ সময়ছোৱাত এখন বগা ৰঙৰ মিনি ট্ৰাক ৰখাই দিয়া হৈছিল। ট্ৰেন্সফৰ্মাৰৰ দৰে আকৃতি এটা তাৰ ওপৰত বোজাই কৰা হৈছিল। আৰক্ষীয়ে ট্ৰাকখন পৰীক্ষা কৰি সন্দেহ প্ৰকাশ কৰে। আৰক্ষীয়ে ট্ৰেন্সফৰ্মাৰটো ভালদৰে পৰীক্ষা কৰি তাৰ ভিতৰত ৮৪২৪টা বিলাতী সুৰাৰ বটল উদ্ধাৰ কৰে।
উদ্ধাৰ হোৱা সুৰাখিনি অৰুণাচল প্ৰদেশত তৈয়াৰী। আৰক্ষীয়ে জব্দ কৰিছে সুৰাসহ ট্ৰাকখন। আটকাধীন অভিযুক্তৰ দুজনৰ নাম উত্তৰ প্ৰদেশৰ ৰামপুৰ জিলাৰ কেমৰি থানাৰ বাসিন্দা জামিল আহমেদৰ পুত্ৰ নদিম আহমেদ আৰু উত্তৰাখণ্ডৰ নাইনিতাল জিলাৰ উধম সিং নগৰৰ বাসিন্দা ফৰজান আলীৰ পুত্ৰ ফৰমান আলী।
লগতে পঢ়কঃ বন্ধু ভাল, কিন্তু এনেকুৱা বন্ধু থাকিলে জীৱন অতিষ্ঠ হৈ পৰে! চাওক, বিষাক্ত সংগীক বিদায় দিয়াৰ কিটিপ
এই সন্দৰ্ভত অৰৰিয়াৰ আৰক্ষী অধীক্ষক অমিত ৰঞ্জনে কয় যে ‘জিলাখনত সুৰা সৰবৰাহকাৰীক আৰক্ষীয়ে অহৰহ অভিযান অব্যাহত ৰাখিছে। যোৱা ১৫ দিনত উদ্ধাৰ হৈছে ১০ হাজাৰ লিটাৰতকৈ অধিক অবৈধ সুৰা। সুৰাৰ লগত জড়িত বহুকেইজন অভিযুক্তক গ্ৰেপ্তাৰ কৰি জেললৈ প্ৰেৰণ কৰা হৈছে।
তেওঁ লগতে কয় যে নৰপাটগঞ্জ থানাৰ ভাৰপ্ৰাপ্ত বিষয়াৰ নেতৃত্বত আৰক্ষীয়ে সুৰা উদ্ধাৰত প্ৰশংসনীয় কাম কৰিছে। ট্ৰেন্সফৰ্মাৰৰ দৰে আকৃতিৰ কাৰ্টনত সুৰা চালান কৰা ট্ৰাকখনৰ ভিতৰত ৮৪২৪টা বিলাতী সুৰাৰ বটল লুকুৱাই ৰাখিছিল। উদ্ধাৰ হোৱা সুৰাখিনি অৰুণাচল প্ৰদেশত তৈয়াৰী আৰু অসমত বোজাই কৰা হৈছিল।
