আজিকালি সমাজৰ সকলো বয়সৰ লোকৰ বাবে ম’বাইল জীৱনৰ অংশ হৈ পৰিছে। শিশুৰ বাবে কাৰ্টুনৰ পৰা আৰম্ভ কৰি প্ৰাপ্তবয়স্কৰ বাবে চিনেমা বা ৱেব ছিৰিজলৈকে এতিয়া সকলো ফোনত চাব পাৰিব।
এতিয়া মোবাইল ফোনটোতে দেশ-বিদেশৰ বিভিন্ন খবৰ আৰু ক্ৰীড়া উপভোগ কৰিব পাৰি। ফলত স্মাৰ্টফোন সাধাৰণ মানুহৰ জীৱনৰ অংগ হৈ পৰিছে।
আপুনি কেতিয়াবা ভাবিছেনে যে দৈনিক মনোৰঞ্জনৰ সংগী এই মোবাইল ফোনটো চাৰ্জ কৰিবলৈ কিমান টকা খৰচ হয়?
বহুতে কামৰ বাবে গোটেই দিনটো ফোনটো ব্যৱহাৰ কৰিবলগীয়া হয়। কিন্তু মোবাইলটো বাৰে বাৰে চাৰ্জ দিবলগীয়া হয়। বাৰে বাৰে চাৰ্জ দিবলৈ মোবাইল ফোনত প্ৰতিমাহে কিমান খৰচ হৈছে জানেনে!
এতিয়া যি হাৰত সামগ্ৰীৰ দাম বাঢ়িছে, সেই হাৰত বিদ্যুতৰ দামো বাঢ়িছে। শেহতীয়াকৈ টেলিকম কোম্পানীসমূহেও টেৰিফ প্লেনৰ মূল্য বৃদ্ধি কৰিছে। গতিকে মাহটোৰ শেষত স্মাৰ্টফোনৰ মুঠ খৰচ জানিবলৈ আজিৰ প্ৰতিবেদনৰ শেষলৈকে পঢ়ক।
শেহতীয়াকৈ ছ’চিয়েল মিডিয়াত এটা পোষ্ট ভাইৰেল হৈছে। পোষ্টটোত মোবাইল ফোন চাৰ্জ কৰিবলৈ কিমান খৰচ হয় তাৰ এটা ধাৰণা দিয়া হৈছে।
এই গণনা 5000 mAh বেটাৰী থকা স্মাৰ্টফোনৰ ওপৰত ভিত্তি কৰি কৰা হৈছে। বেছিভাগ ব্যৱহাৰকাৰীয়ে এই শক্তিশালী বেটাৰী থকা ফোন ব্যৱহাৰ কৰে আৰু বেছিভাগ মানুহেই দিনটোত এবাৰ 0ৰ পৰা 100 শতাংশ চাৰ্জ কৰে।
সাধাৰণতে মোবাইলত ৫ ভল্টৰ চাৰ্জাৰেৰে চাৰ্জ কৰা হয়। অৰ্থাৎ প্ৰতি ঘণ্টাত ৭৫০ ৱাট বা ০.৭৫ ইউনিট বিদ্যুৎ খৰচ হয়। তাত প্ৰতিটো ইউনিটৰ খৰচ ৭ৰ পৰা ৮ টকা। প্ৰতি ঘণ্টাত প্ৰায় ৫.৬৮ টকা। অৰ্থাৎ মোবাইলৰ চাৰ্জৰ খৰচ খুব কম!
