মহানগৰী গুৱাহাটীৰ হাতীগাঁৱত ছুৰীৰে আক্ৰমণত গুৰুতৰভাৱে আহত হয় এগৰাকী ২২ বছৰীয়া যুৱতী।
আজুল হক নামৰ অভিযুক্তজনে পিছফালৰ পৰা মহিলাগৰাকীৰ কাষ চাপি ডিঙিত ছুৰীৰে আঘাত কৰি পলায়ন কৰে।
অৱশ্যে স্থানীয় লোকে কিছু সময় ধৰি খেদি খেদি আটক কৰে হকক।
গ্ৰেপ্তাৰৰ সময়ত হকে জনতা আৰু আৰক্ষী উভয়কে প্ৰতিহত কৰিবলৈ আক্ৰমণ কৰা বুলি জানিব পৰা গৈছে।
সোণালী দাস নামৰ যুৱতীগৰাকীৰ ডিঙিত গুৰুতৰভাৱে কাটি যোৱাৰ লগতে হাতত সামান্য আঘাতৰ বাবে ততাতৈয়াকৈ গৌহাটী চিকিৎসা মহাবিদ্যালয় হাস্পতাললৈ প্ৰেৰণ কৰা হয়।
যুৱতীগৰাকীৰ অৱস্থা বৰ্তমান সুস্থিৰ বুলি আৰক্ষীয়ে জনায়। বৰ্তমান এই আক্ৰমণৰ আঁৰৰ উদ্দেশ্যৰ সন্দৰ্ভত তদন্ত চলি আছে।
