জীৱনত নিজৰ ধৰণে আগবাঢ়ি গৈছে দক্ষিণ ভাৰতীয় চলচ্চিত্ৰ অভিনেতা নাগা চৈতন্যই। বৰ্তমান তেওঁ শোভিতা ধূলিপালাৰ সৈতে সুখেৰে সংসাৰ কৰিছে। অৱশ্যে তেওঁৰ প্ৰাক্তন পত্নী অভিনেত্ৰী সামন্থা ৰুথ প্ৰভু কামক লৈ ব্যস্ত।
অনুৰাগীসকলে ইতিমধ্যে জানিছিল যে নাগাৰ সৈতে তেওঁৰ বিবাহ বিচ্ছেদে সামান্থাক গভীৰভাৱে আঘাত দিছে। অভিনেত্ৰীগৰাকীয়ে বিভিন্ন সাক্ষাৎকাৰত কৈছে যে বিবাহ বিচ্ছেদ সন্দৰ্ভত সিদ্ধান্তৰ বিষয়ে অৱগত কৰা হৈছে আৰু সকলো মানি ল’বলগীয়া হৈছে।
সামন্থাৰ প্ৰেম, বিবাহ, নাগাৰ সৈতে বিচ্ছেদ সম্পৰ্কে আলোচনাৰ উপৰিও নায়িকাগৰাকীৰ ব্যক্তিগত জীৱনৰ বিষয়েও অন্তহীন চৰ্চাৰ অন্ত নাই। সকলোৰে দৃষ্টি কেতিয়া, ক’ত কি কৰিছে সামান্থাই। অভিনেত্ৰীগৰাকীয়ে নিজেই নিজৰ ব্যক্তিগত জীৱনটো বেছিকৈ লুকুৱাই ৰাখিব নিবিচাৰে। এইবাৰ তেওঁ নিজৰ শৰীৰৰ পৰা নাগাৰ শেষ স্মৃতিকণো মচি পেলালে। তেওঁ নিজৰ অনুৰাগীসকলক অকপটে এই কথা জনালে।
ইয়াৰ আগতে সামান্থাই নিজৰ বিয়াৰ সাজযোৰ কাটি ৰং কৰি ক’লা পোছাকত পৰিণত কৰিছিল। তেওঁলোকৰ এংগেজমেণ্টৰ সময়ত নাগাই দিয়া আঙঠিটোও ভাঙি এটা লকেট বনাইছিল। এতিয়া টেটুৰ পাল।
অভিনেতাগৰাকীৰ সৈতে সম্পৰ্ক আৰম্ভ কৰাৰ পিছত অভিনেত্ৰীগৰাকীয়ে নিজৰ শৰীৰত তিনিটাকৈ টেটু কৰে। ২০১০ চনত মুক্তি পোৱা সামান্থাৰ প্ৰথমখন ছবি ‘য়েহ মায়া চেছাভে’ ছবিখনৰ নাম অনুসৰি সামান্থাৰ পিঠিত আছে ‘ৱাইএমচি’ৰ টেটুটো। অভিনেত্ৰীগৰাকীৰ সোঁফালৰ কামিহাড়ৰ তলত লিখা আছে প্ৰাক্তন স্বামী নাগা চৈতন্যৰ মতা নাম ‘চাই’। সামান্থাই বিয়াৰ সময়ত এই টেটুটো কৰিছিল। আৰু তৃতীয়টো টেটু হাতৰ মণিবন্ধত। তাত দুডাল কাঁড় অংকন কৰা হৈছে। নাগা চৈতন্যৰ সৈতে মিলি তেতিয়া তেওঁ টেটুটো কৰিছিল।
ইতিমধ্যে সামান্থাই প্ৰথম টেটু দুটা আঁতৰাই পেলাইছিল। এইবাৰ সামান্থাই হাতৰ সৰু গাঁঠিৰ টেটুটোও আঁতৰাই পেলাইছে। কাৰণ নাগাৰ হাততো একেই টেটু আছিল। নাগাই অৱশ্যে এতিয়াও টেটুটো আঁতৰোৱা নাই। শোভিতাৰ লগত বিয়া হোৱাৰ পিছতো নাগাৰ হাতত টেটুটো দেখা গৈছে।
শেহতীয়াকৈ সামান্থাই ছ’চিয়েল মিডিয়াত এখন ছবি শ্বেয়াৰ কৰিছে। মচ খাই যোৱা কাঁড়ৰ টেটুটো তাত স্পষ্টকৈ দেখা গৈছিল। তেতিয়াৰ পৰা অনুৰাগীৰ মাজত চৰ্চা বিয়পি পৰিল যদিও অৱশেষত শেষ স্মৃতিকণো মচি পেলালে অভিনেত্ৰীগৰাকীয়ে!
