হোৱাটছএপৰ জৰিয়তে বৃদ্ধি পাইছে চাইবাৰ অপৰাধ।যাৰ বাবে বিত্তীয় কেলেংকাৰী আৰু প্ৰৱঞ্চনা ৰোধৰ বাবে বলিষ্ঠ পদক্ষেপ গ্ৰহণ কৰা হৈছে। প্ৰথম পদক্ষেপ হিচাপে ভাৰতত মাত্ৰ এমাহত প্ৰায় ৯৯ লাখ হোৱাটছএপ একাউণ্ট বন্ধ হৈ পৰিছে। মেটাৰ মালিকানাধীন মেছেজিং এপটোৰ ওপৰত চাইবাৰ নীতি কঠোৰ হৈ পৰিছে। এই সিদ্ধান্ত প্ৰথম পদক্ষেপ। জানিব পৰা মতে, ৯৯ লাখৰ ভিতৰত ১৩.২৭ লাখ হোৱাটছএপ একাউণ্টৰ ‘ৰিপ’ৰ্ট’ (অভিযোগ) হোৱা নাই। সেই ফোন নম্বৰসমূহো নিষিদ্ধ কৰিছে এপ কোম্পানীটোৱে।
জানিব পৰা মতে চলিত বৰ্ষৰ ১ৰ পৰা ৩০ জানুৱাৰীৰ ভিতৰত প্ৰায় এক কোটি হোৱাটছএপ একাউণ্টৰ বিৰুদ্ধে কোম্পানীটোৱে ব্যৱস্থা গ্ৰহণ কৰিছিল। কাৰণ সেই নম্বৰসমূহে তথ্য প্ৰযুক্তি আইন, ২০২১ৰ ধাৰা ১(ঘ) আৰু ৩এ(৭) উলংঘা কৰিছিল। আচলতে হোৱাটছএপত স্বয়ংক্ৰিয় ব্যৱস্থা আছে। যেনেকৈ তাত ব্যৱহাৰকাৰীৰ মতামত লোৱা হয়, মেটাই কঠোৰ ব্যৱস্থা গ্ৰহণ কৰে যদিহে কিছুমান চৰ্ত আওকাণ কৰা হয়। অন্য ব্যৱহাৰকাৰীয়ে ‘স্পেম’ বুলি চিহ্নিত কৰা হোৱাটছএপ নম্বৰৰ বিৰুদ্ধে চৰম ব্যৱস্থা গ্ৰহণ কৰা হৈছে, একাউণ্টৰ জৰিয়তে ভুৱা তথ্য প্ৰচাৰ, জালিয়াতি (মূলতঃ আৰ্থিক)ৰ অভিযোগ উত্থাপন কৰা হৈছে। এই ‘অভিযান’ ভৱিষ্যতেও অব্যাহত থাকিব বুলি খবৰ পোৱা গৈছে।
মেছেজিং এপ কৰ্তৃপক্ষই অজ্ঞাত নম্বৰৰ সৈতে কথোপকথন পৰিহাৰ কৰাৰ পৰামৰ্শ দিয়ে। দিনে দিনে একেলগে বহু হোৱাটছএপ নম্বৰলৈ মেছেজ পঠিয়ালেও কৰ্তৃপক্ষৰ ৰোষৰ সন্মুখীন হোৱাৰ সম্ভাৱনা অধিক। তদুপৰি কোনোবাই ভুৱা তথ্য প্ৰচাৰ কৰিলেও, ঘৃণামূলক ভাষণত লিপ্ত হ’লেও, বা ‘বেয়া’ কথা-বতৰাত লিপ্ত হ’লেও হোৱাটছএপত শাস্তি পাব পাৰে।
সংশ্লিষ্ট মেছেজিং এপ কৰ্তৃপক্ষই চিনাকি লোকলৈ বাৰ্তা প্ৰেৰণ কৰিবলৈ পৰামৰ্শ দিছে। আপোনাৰ ফোনটোৰ কন্টেক্ট লিষ্টত নম্বৰ নথকা লোকলৈ বাৰ্তা প্ৰেৰণ কৰাটো সদায় উচিত। কেৱল সেয়াই নহয়, হোৱাটছএপ গ্ৰুপত কাৰোবাক ‘এড’ কৰিব বিচাৰিলে অনুমতি লোৱাটো গুৰুত্বপূৰ্ণ। কোনোবাই যদি গোটটো ‘ত্যাগ’ কৰে তেন্তে তেওঁলোকৰ সিদ্ধান্তক সন্মান কৰক। বাৰে বাৰে কোনোবা এজনক গ্ৰুপত যোগ কৰিলে আপোনাৰ হোৱাটছএপ নম্বৰ ডিলিট হৈ যাব পাৰে। অত্যধিক ‘ফৰৱাৰ্ড মেছেজ’ (বিভিন্ন ব্যৱহাৰকাৰীৰ জৰিয়তে আপোনাৰ হোৱাটছএপ নম্বৰত পোৱা বাৰ্তা) প্ৰেৰণ কৰাটো পৰিহাৰ কৰক। যদি ইয়াত ভুল বা ভুৱা তথ্য থাকে তেন্তে আপোনাৰ হোৱাটছএপ নম্বৰো নিষিদ্ধ হ’ব পাৰে।
