এগৰাকী ছাত্ৰীক নিৰ্যাতন চলোৱাৰ অভিযোগত এন আই টি শিলচৰৰ এগৰাকী সহকাৰী অধ্যাপকক গ্ৰেপ্তাৰ কৰিছে অসম আৰক্ষীয়ে।
তেওঁৰ বিৰুদ্ধে এগৰাকী বি-টেকৰ ছাত্ৰীক “আপত্তিজনকভাৱে স্পৰ্শ কৰা, অশ্লীল গান বজোৱা, যুৱতীগৰাকীৰ ইচ্ছাৰ বিৰুদ্ধে উৰু, পেট আৰু ডিঙিত স্পৰ্শ কৰা আৰু পেটত চিকুটি দিয়া”ৰ অভিযোগ দাখিল কৰা হৈছে।
ছাত্ৰীগৰাকীৰ অভিযোগ পোৱাৰ লগে লগে এন আই টি কৰ্তৃপক্ষই অভিযুক্ত ডি কোটেশ্বৰ ৰাজুক নিলম্বন কৰি আইচিচি তদন্ত আৰম্ভ কৰে।
ছাত্ৰীগৰাকীয়ে বৃহস্পতিবাৰে আৰক্ষীক জনোৱা মতে, ৰাজুৱে ছাত্ৰীগৰাকীয়ে কিয় কম নম্বৰ পাইছে সেয়া “আলোচনা” কৰিবলৈ তেওঁক নিজৰ কাৰ্যালয়ৰ কোঠালৈ মাতি পঠায়। কাষতে বহিবলৈ কয়। ইয়াৰ পিছত তেওঁ ওচৰ চাপি আহে, প্ৰথমে ছাত্ৰীগৰাকীৰ হাতখন চেপি ধৰি আঙুলিৰ মাজত আঙুলি সুমুৱাই দিয়ে আৰু লেপটপত অশ্লীল সংগীত বজাই দিয়ে।
ছাত্ৰীগৰাকীৰ মতে, “মই অস্বস্তিত পৰা দেখি তেওঁ মোক বিভিন্ন ধৰণে স্পৰ্শ কৰিবলৈ ধৰিলে আৰু মোক ‘কমফৰ্টেবোল’ হ’বলৈ কয়। মই কান্দিবলৈ আৰম্ভ কৰো। বন্ধুসকলৰ বাবেই মই বাচিলোঁ।”
ছাত্ৰীগৰাকীয়ে জনায় যে তেওঁৰ বেচমেট এজনে তেওঁ কোঠাটোৰ বাহিৰত ওলাই অহালৈ অপেক্ষা কৰি আছিল। বহু সময় হোৱাৰ পাছত তেওঁ ভুক্তভোগীক ফোন কৰে। ফলত তেওঁ ওলাই আহিব পাৰে।
বৃহস্পতিবাৰৰ পৰা ছাত্ৰ-ছাত্ৰীসকলে ৰাজুক গ্ৰেপ্তাৰ আৰু শাস্তি প্ৰদানৰ দাবীত প্ৰতিবাদ সাব্যস্ত কৰিবলৈ আৰম্ভ কৰে। আৰক্ষীয়ে কয় যে, “অভিযুক্তই ইচ্ছাকৃতভাৱে নিজৰ কোৱাৰ্টাৰৰ দৰ্জাখন বাহিৰৰ পৰা তলা লগাই ৰাখিছিল।” অৱশ্যে শুকুৰবাৰে টাৱাৰৰ লোকেশ্যন ট্ৰেক কৰি তেওঁক গ্ৰেপ্তাৰ কৰা হয়। ২০১৮ চনৰ পৰা এই শিক্ষানুষ্ঠানখনত শিক্ষকতা কৰি আহিছে ৰাজুৱে।
