মংগল গ্ৰহত পানী আছে নে নাই সেই সম্পৰ্কে আছে অন্তহীন জল্পনা-কল্পনা। পৃথিৱীৰ নিচেই ওচৰৰ এই গ্ৰহটোক লৈ বহু জল্পনা-কল্পনা চলি আহিছে। ইয়াৰ মাজতে চৰ্চা লাভ কৰিছে আন এক খবৰে।
বহুতে ভাবে আমি সোনকালে মংগল গ্ৰহলৈ যোৱাটো প্ৰয়োজন। তাত থকা পৰিৱেশটো পৃথিৱীৰ দৰেই। ইতিমধ্যে তালৈ যাবলৈ বিভিন্ন প্ৰচেষ্টা আৰম্ভ হৈছে।
কিন্তু মংগল গ্ৰহত জীয়াই থাকিবলৈ প্ৰথমে প্ৰয়োজন হ’ব পানীৰ। এইবাৰ হয়তো বিজ্ঞানীসকলে সেই পানীৰ এক বিশাল উৎস বিচাৰি পাইছে।
ৰঙা গ্ৰহটোৰ বিষয়ে বিভিন্ন ধৰণৰ তথ্য প্ৰতিদিনে উন্মেষ ঘটিছে। মংগল গ্ৰহত পানী বিচাৰি ফুৰাৰ সময়ত বিজ্ঞানীসকলে এই কথা জানিব পাৰিছে যে গ্ৰহটোত মাটিৰ পৰা প্ৰায় ২ মাইল তলত পানী থাকিব পাৰে।
শেহতীয়া তথ্য অনুসৰি যে মংগল গ্ৰহত পোৱা পানীৰ পৰিমাণ ইমানেই বেছি যে ই পৃথিৱীৰ মুঠ পানীৰ প্ৰায় ৯ গুণ।
জানিব পৰা মতে, এই পানী মংগল গ্ৰহৰ মাটিৰ তলত কঠিন বৰফৰ ৰূপত আছে। যদি তেনেকুৱাই হয়, তেন্তে পানী তাৰ পৰা উলিয়াই অনাটো বৰ কঠিন হ’ব।
এই বৰফ উলিয়াবলৈ মংগল গ্ৰহৰ মাটিত খান্দিব লাগিব। তেতিয়াহে এই বৰফ দেখা পোৱা যাব। মংগল গ্ৰহৰ মাটিত খন্দা এই বিশাল কামৰ বিষয়ে বিজ্ঞানীসকলে ভালদৰেই জানে।
কিন্তু যদিহে এই বৰফ মাটিৰ তলৰ পৰা উলিয়াব পৰা যায় তেন্তে তাৰ পৰা ওলোৱা পানীৰ ভাণ্ডাৰে মংগল গ্ৰহৰ পানীৰ প্ৰয়োজনীয়তা পূৰণ কৰিব পাৰে। কিন্তু মাটিৰ পৰা এই পানী কেনেকৈ উলিওৱা হ’ব সেয়া এতিয়া লাখ টকাৰ প্ৰশ্ন।নাছাই লাভ কৰা ছবিত মংগল গ্ৰহৰ পৃষ্ঠৰ তলত বগা পানীৰ দৰে পদাৰ্থ দেখা গৈছে। নাছাৰ বিজ্ঞানীসকলে বিশ্বাস কৰে যে ই বৰফৰ বাহিৰে আন একো নহয়। ভৱিষ্যতে যদি মানুহে মংগল গ্ৰহত বাস কৰে তেন্তে এই কঠিন বৰফে তেওঁলোকৰ পানীৰ প্ৰয়োজনীয়তা পূৰণ কৰিব পাৰে।
