উত্তৰ প্ৰদেশৰ মোৰাদাবাদ জিলাৰ এখন বিদ্যালয়ৰ ভিতৰতে এগৰাকী ১২ বছৰীয়া কিশোৰীৰ ওপৰত দলবদ্ধ ধৰ্ষণৰ অভিযোগ উত্থাপিত হৈছে। ১২ৰ পৰা ১৫ বছৰ বয়সৰ পাঁচজন নাবালক এই জঘন্য ঘটনাৰ সৈতে জানিব পৰা গৈছে। এই ঘটনাই আৰক্ষীকো স্তম্ভিত কৰি তুলিছে। জানিব পৰা মতে আৰক্ষীয়ে পাঁচজন অভিযুক্তক গ্ৰেপ্তাৰ কৰি তদন্ত আৰম্ভ কৰিছে।
আৰক্ষীৰ তথ্য অনুসৰি, অভিযুক্ত নাবালকসকলে ভুক্তভোগী কিশোৰীক ভুল বুজি ঘৰৰ ওচৰৰ এখন খালী বিদ্যালয় ভৱনলৈ লৈ গৈছিল। তাত তাইক শীতল পানীয়ত মাদকদ্ৰব্য মিহলি কৰি খুৱাই অচেতন কৰি ধৰ্ষণ কৰাৰ অভিযোগ উঠিছে। অভিযুক্ত নাবালক কেইটা সপ্তম, অষ্টম আৰু নৱম শ্ৰেণীৰ ছাত্ৰ বুলি জানিবলৈ দিছে। ইয়াৰ উপৰিও তেওঁলোকে এই নিৰ্যাতনৰ ভিডিঅ’ ৰেকৰ্ড কৰি ছ’চিয়েল মিডিয়াত প্ৰকাশৰ ভাবুকি দিছিল। এজন চুবুৰীয়াই ভিডিঅ’টো দেখাৰ পিছত ভুক্তভোগীৰ মাকক জনোৱাত, ২০ মে’ত তেওঁ এফআইআৰ দাখিল কৰে।
ভুক্তভোগীৰ মাতৃৰ মতে, ৮ মে’ৰ সন্ধিয়া তেওঁৰ ছোৱালী ঘৰৰ সন্মুখত খেলি আছিল, যেতিয়া অভিযুক্ত নাবালকসকলে ছোৱালীজনীক লৈ যায়। পৰিদৰ্শক মনীষ ছাক্সেনাই জনোৱা মতে, “অভিযুক্ত আৰু ভুক্তভোগী একে সম্প্ৰদায়ৰ আৰু একে অঞ্চলত থাকে। অভিযুক্তক জিম্মাত লোৱা হৈছে আৰু তেওঁলোকৰ চিকিৎসা পৰীক্ষা কৰা হৈছে।” এই ঘটনাই সমাজত তীব্ৰ ক্ষোভৰ সৃষ্টি কৰিছে।
