ওড়িশাৰ গঞ্জাম জিলাৰ গোপালপুৰৰ সমুদ্ৰ তীৰত সংঘটিত হৈছে এক লোমহৰ্ষক ঘটনা। হাত ভৰি বান্ধি প্ৰেমিকৰ সমুখতেই প্ৰেমিকাক দলৱদ্ধ ধৰ্ষণৰ অভিযোগ। এই ঘটনাৰ লগত জড়িত ৮জনক গ্ৰেপ্তাৰ আৰক্ষীৰ। বাকী দুজনৰ সন্ধানত তালাচী অব্যাহত থকা বুলি অৱগত কৰিছে আৰক্ষীয়ে।
জানিব পৰা মতে, দেওবাৰে সন্ধিয়া স্নাতকৰ এগৰাকী ছাত্ৰীয়ে তেওঁৰ প্ৰেমিকৰ সৈতে এক উৎসৱত অংশগ্ৰহণ কৰিবৰ বাবে সাগৰৰ পাৰলৈ গৈছিল। অভিযোগ মতে, ১০ জন যুৱকে তাত অকলে পাই তেওঁলোকক না নআ হাৰাশাস্তি কৰে। তাৰ পাছত কেইজনমানে যুৱতীগৰাকীক টানিবলৈ ধৰে। যেতিয়া যুৱতীগৰাকীয়ে সিহঁতক বাধা দিবলৈ চেষ্টা কৰে তেতিয়া যুৱতীগৰাকী আৰু প্ৰেমিকক প্ৰহাৰ কৰে। ইয়াৰ পিছত প্ৰেমিকৰ হাত-ভৰি ৰছীৰে বান্ধি প্ৰেয়সীক সন্মুখতেই ধৰ্ষণ কৰে।
বেহৰমপুৰৰ আৰক্ষী অধীক্ষক বিবেক সাৰৱণাই জানিবলৈ দিয়া মতে, ভুক্তভোগী আৰু তেওঁৰ প্ৰেমিকক স্থানীয় চিকিৎসালয়ত ভৰ্তি কৰোৱা হৈছে। দুয়ো চিকিৎসাধীন হৈ আছে। বৰ্তমান দুয়োজনেই সুস্থিৰ।
ইফালে যুৱতীগৰাকী আৰু তেওঁৰ বন্ধুৰ অভিযোগৰ ভিত্তিত এই পৰ্যন্ত আঠজন লোকক গ্ৰেপ্তাৰ কৰা হৈছে। বাকী দুজন পলাতক হৈ আছে। তেওঁলোকক বিচাৰি উলিয়াবলৈ অভিযান চলি আছে।
সূত্ৰ অনুসৰি আৰক্ষীয়ে প্ৰথমে জানিব পাৰিছে যে অভিযুক্ত কেইজন সেই ঠাইলৈ পৰ্যটক হিচাপে আহিছিল। আৰক্ষী অধীক্ষকে কয়, “সেই আঠজন লোকক সোধা-পোছা কৰা হৈছে। এই ঘটনাৰ তদন্তৰ বাবে এটা বিশেষ দল গঠন কৰা হৈছে। অতি সোনকালে সকলো অভিযুক্তক গ্ৰেপ্তাৰ কৰা হ’ব।”
