মুম্বাৰইৰ এটা জাবৰৰ দম এটাৰ ওপৰত পৰি থকা অৱস্থাত উদ্ধাৰ হয় কৰ্কট ৰোগত আক্ৰান্ত এগৰাকী ৬০ বছৰীয়া বৃদ্ধা। জানিব পৰা মতে বৃদ্ধাগৰাকীৰ নাম যশোদা গাইকৱাদ। মহিলা গৰাকীক উদ্ধাৰ কৰা পিছতে মুম্বাই আৰক্ষীয়ে তেওঁৰ পৰিয়ালক বিচাৰি উলিয়াবলৈ তদন্ত আৰম্ভ কৰিছে।
আৰক্ষীৰ সূত্ৰ অনুসৰি পুৱাৰ ভাগতে পথৰ কাষৰ এটা জাবৰৰ দমৰ সমীপত গুৰুতৰ অৱস্থাত আৰক্ষীয়ে উদ্ধাৰ কৰে। ৰোগগ্ৰস্ত মহিলা গাৰাকীক। তেওঁ বিষয়াসকলক জনোৱা মতে তাত এৰি যোৱাৰ বাবে তেওঁৰ নাতি দায়ী। তাৎক্ষণিক চিকিৎসা সেৱা লাভৰ প্ৰচেষ্টা চলোৱাৰ পিছতো সংকটজনক অৱস্থাৰ বাবে কেইবাখনো চিকিৎসালয়ে নাকচ কৰাৰ পিছত সন্ধিয়া ৫:৩০ বজাৰ ভিতৰতহে কুপাৰ হাস্পতালত ভৰ্তি কৰা হয়। আৰক্ষীয়ে মহিলা গৰাকীয়ে প্ৰদান কৰা দুটা ঠিকনা—এটা মালাদত আৰু আনটো কাণ্ডীৱলীত তেওঁৰ পৰিয়ালৰ সদস্যৰ সন্ধান উলিয়াবলৈ চেষ্টা কৰি আছে।
এই ঘটনাই মানুহৰ মাজত ব্যাপক ক্ষোভৰ সৃষ্টি কৰিছে। সম্প্ৰতি আৰক্ষীয়ে বৃদ্ধা যশোদা দেৱীৰ ফটোখন বিভিন্ন থানালৈ প্ৰেৰণ কৰি তেওঁৰ পৰিয়াল বা আত্মীয়জনক চিনাক্ত কৰাৰ চেষ্টা কৰিছে। আৰু এই ঘটনাৰ আঁৰৰ কাৰণ জানিবৰ বাবে তদন্ত অব্যাহত ৰাখিছে। আৰক্ষীয়ে কয় যে তেওঁলোকে বৃদ্ধাগৰাকীৰ ন্যায় নিশ্চিত কৰিবলৈ সকলো সম্ভাব্য প্ৰচেষ্টা হাতত লৈছে বুলি সদৰী কৰিছে।
