এসময়ত ‘বিদেশত আপোন মানুহ’ নামৰ দূৰদৰ্শনৰ জনপ্ৰিয় ধাৰাবাহিক খনৰ জৰিয়তে জনপ্ৰিয়তা অৰ্জন কৰা ববিতা শৰ্মাক পুনৰ অভিনেত্ৰী হিচাপে টেলিভিছনৰ পৰ্দাত দেখিবলৈ পোৱা যাব।
ৰাজনীতি ত্যাগ কৰি আকৌ অভিনয় জগতলৈ ঢাপলি মেলিছে কংগ্ৰেছৰ প্ৰাক্তন নেত্ৰী ববিতা শৰ্মাই। তেওঁ সামাজিক মাধ্যম যোগে অভিনয় জগতলৈ উভতি অহাৰ খবৰ প্ৰকাশ কৰিছে কংগ্ৰেছৰ প্ৰাক্তন নেত্ৰীগৰাকীয়ে।
শেহতীয়া খবৰ অনুসৰি আহিবলগীয়া নতুন অসমীয়া ছবি ‘অগ্নিবাণ’ত বিবিতা শৰ্মাৰ অভিনয় দেখিবলৈ পোৱা যাব। সামাজিক মাধ্যমত এক পোষ্ট যোগে ববিতা শৰ্মাই উল্লেখ কৰে যে কিছু দশকৰ পাছত যোৱা বছৰ মে’ মাহত আকৌ এখন অসমীয়া ফিচাৰ ফিল্মৰ বাবে শ্বুটিঙত ভাগ ল’লে। আৰু ২০২৫ চনৰ ৭ জুলাই তাৰিখে মোৰ শ্বুটিঙ সম্পূৰ্ণ হোৱা বুলি সদৰী কৰে।
এইখন মূলত এখন বাণিজ্যিক ছবি, নাম ‘অগ্নিবাণ’। ছবি খনত মুখ্য চৰিত্ৰত আছে যতীন বৰা আৰু প্রীতি কংকণাৰ, লগতে স্বৰ্গীয় কুলদা কুমাৰ ভট্টাচাৰ্য্য। চিনেমাখন পৰিচালনা কৰিছে উদীয়মান যুৱ পৰিচালক মৃন্ময় শইকীয়াই আৰু প্ৰযোজনা কৰিছে ‘ৰঘুপত’ খ্যাত শৈলেন শর্মাই । চিনেমাট’গ্ৰাফী কৰিছে প্ৰদীপ দৈমাৰীয়ে।
