মুম্বাইৰ পৰা কলিকতা অভিমুখী ইণ্ডিগ’ বিমানত সহযাত্ৰীৰ শাৰীৰিক আক্ৰমণ বলি হৈছে এগৰাকী অসমৰ ব্যক্তি। ইতিমধ্যে সামাজিক মাধ্যমত ভাইৰেল হৈ পৰিছে এই আক্ৰমণৰ দৃশ্য।
এই ঘটনাই বিমান যাত্ৰীৰ সুৰক্ষা আৰু মানসিক স্বাস্থ্যৰ সজাগতাক লৈ উদ্বেগ সৃষ্টি কৰিছে।
জানিব পৰা মতে, শাৰীৰিক আক্ৰমণৰ বলি হোৱা ভুক্তভোগীৰ নাম হোছেইন আহমেদ মজুমদাৰ। তেওঁ মুম্বাইৰ কৰ্মস্থলীৰ পৰা নিজগৃহলৈ আহি থকাৰ সময়তে এই ঘটনা সংঘটিত হয়। মুম্বাইৰ পৰা কলিকতালৈ অহা এই বিমানখনৰ পিছত আন এখন সংযোগী বিমানেৰে কলিকতাৰ পৰা শিলচৰলৈ অহাৰ কথা আছিল হোছেইন আহমেদ মজুমদাৰ।
আক্ৰমণৰ ভিডিঅ’টোত দেখা গৈছে যে মজুমদাকৰ বিমানৰ সহায়িকাই নিজৰ আসনলৈ লৈ যোৱা সময়তে এজন ব্যক্তিয়ে তেওঁৰ গালত প্ৰচণ্ড জোৰেৰে চৰ মাৰে। ইয়াৰ পিছত বিমানৰ সহায়িকা আৰু আন আন যাত্ৰীসকলে আক্ৰমণকাৰীক তীব্ৰ ভাষাৰে গৰিহণা দিয়ে।
এই ঘটনাৰ পিছতে হোছেইনে কলকাতাৰ পৰা শিলচৰলৈ সংযোগী বিমানেৰে যোৱাৰ কথা আছিল যদিও তেওঁ এই পৰ্যন্ত নিজৰ ঘৰত উপস্থিত হোৱা নাই।
শিলচৰ বিমানবন্দৰত তেওঁৰ বাবে অপেক্ষা কৰি থকা তেওঁৰ পৰিয়ালৰ লোকে জনাইছে যে তেওঁৰ ফোনটো এতিয়াও বন্ধ হৈ আছে।
পৰিয়ালৰ এজন সদস্যই কয় যে শিলচৰ বিমান বন্দৰত তেওঁক বিচাৰি নোপোৱাত আমি স্থানীয় কৰ্তৃপক্ষৰ সৈতে যোগাযোগ কৰিছিলো। আনকি বিমানবন্দৰৰ ওচৰৰ উধৰবন্দ আৰক্ষী থানালৈও গৈছিলো। কিন্তু তেওঁৰ সম্পৰ্কে কোনো সুনিৰ্দিষ্ট তথ্য পোৱা নাছিলো।”
এই ঘটনা সম্পৰ্কে এয়াৰ ইণ্ডিয়াৰ কৰ্তৃপক্ষই এক্সত লিখিছে, “আমাৰ এখন বিমানত শাৰীৰিক আক্ৰমণৰ ঘটনা সংঘটিত হোৱাৰ বিষয়ে আমি অৱগত। এনে অশান্ত আচৰণ গ্ৰহণযোগ্য নহয়। আমাৰ যাত্ৰী আৰু ক্ৰুৰ সুৰক্ষা আৰু মৰ্যাদাৰ সৈতে আপোচ কৰা যিকোনো কাৰ্য্যক আমি গৰিহণা দিওঁ। আমি আমাৰ সকলো বিমানতে নিৰাপদ আৰু সন্মানজনক পৰিৱেশৰ প্ৰতি দায়বদ্ধ হৈ আছো।”
