উত্তৰ দিল্লীৰ নৰেলা উপকণ্ঠ অঞ্চলত সংঘটিত হৈছে এক লোমহৰ্ষক ঘটনা। এটা ব্যক্তিগত চুইমিং পুলত ৯ আৰু ১২ বছৰীয়া দুগৰাকী নাবালিকাক দলবদ্ধ ধৰ্ষণৰ অভিযোগ উত্থাপন হৈছে।
পৰিয়ালৰ লোকক ভুক্তভোগীয়ে এই কথা জনোৱাৰ পিছত যোৱা ৫ আগষ্টতহে এই ঘটনা পোহৰলৈ আহে।
তাৰ পিছতে ভুক্তভোগী নাবালিকা দুগৰাকীৰ পৰিয়ালে স্থানীয় আৰক্ষীৰ কাষ চাপি অভিযোগ দাখিল কৰে।
অভিযোগৰ পিছতে আৰক্ষীয়ে দুয়োগৰাকী নাবালিকাৰ চিকিৎসা পৰীক্ষা কৰি অভিযোগৰ সত্যাসত্য নিৰূপণ কৰে।
এই তথ্যৰ ভিত্তিত এফআইআৰ পকচ’কে ধৰি কেইবাটাও ধাৰাত গোচৰ ৰুজু কৰা হয়।
ভুক্তভোগীৰ বক্তব্য অনুসৰি তেওঁলোকে অনুশীলনৰ বাবে চুইমিং পুললৈ গৈ থকা অৱস্থাত অনিল কুমাৰ নামৰ এজন ব্যক্তিয়ে তেওঁলোকক এটা কোঠালৈ লৈ গৈ যৌন নিৰ্যাতন চলায়।
ইয়াৰ পিছত অনিলৰ বন্ধু মুনীল কুমাৰেও তেওঁলোকক ধৰ্ষণ কৰিবলৈ আগবাঢ়িছিল বুলি অভিযোগ উঠিছে।
জানিব পৰা মতে, নাবালিকা দুগৰাকীয়ে কাৰোবাৰ আগত এই কথা প্ৰকাশ কৰিলে হত্যা কৰাৰ ভাবুকি দিছিল অনিল আৰু মুনীনে।
