ৰাজপথত বাইক ষ্টান্ট কৰি হৃদয় বিদাৰক মৃত্যুক আকোৱালি ল’লে দুই যুৱকে। এই ঘটনাত আন এজন লোক আহত হয়। আৰক্ষীয়ে জনোৱা মতে, ১৩ আগষ্টত এই ঘটনা সংঘটিত হৈছিল।
ছ’চিয়েল মিডিয়াত ভাইৰেল হৈছে এই দুৰ্ঘটনাৰ এটা ভিডিঅ’। ভিডিঅ’টোত এজন বাইকাৰে ছুপাৰবাইকত থিয় হৈ ষ্টাণ্ট কৰা দেখা গৈছে। সেই সময়ত বিপৰীত দিশৰ পৰা অহা আন এখন বাইকৰ সৈতে তেওঁৰ মুখামুখি সংঘৰ্ষ হয়।
ইতিমধ্যে এই ভিডিঅ’টো ছ’চিয়েল মিডিয়াত ভাইৰেল হৈ পৰিছে। বহুতে মন্তব্য কৰিছে। লিখিছে, ‘কেইটামান লাইক পাবলৈ এনেকৈ জীৱন বিপন্ন কৰা উচিত নহয়।’ আন এজন ব্যক্তিয়ে মন্তব্যত লিখিছে, ‘এইটো কৰি কি লাভ আছিল!’
আৰক্ষীয়ে দিয়া তথ্য অনুসৰি মৃত যুৱক দুজনৰ নাম হৈছে ৰোহিত (৩১) আৰু সুবোধ (৪২)। এই দুৰ্ঘটনাত তেওঁলোকৰ সংগী সঞ্জয় শৰ্মা আহত হয়। ঘটনাৰ পিছতে আৰক্ষীয়ে তদন্ত আৰম্ভ কৰিছে।মন কৰিবলগীয়া যে এয়া প্ৰথমবাৰৰ বাবে নহয়। ইয়াৰ আগতেও বহুবাৰ এনে ঘটনা সংঘটিত হৈছে। এনে বিপদজনক ষ্টাণ্টৰ ফলত প্ৰায়ে দুৰ্ঘটনা সংঘটিত হয়, যাৰ ফলত প্ৰাণ হেৰুৱাবলগীয়া হয়।
