ভাৰতীয় নিৰ্বাচন আয়োগক ৰাজনৈতিক দলসমূহৰ পঞ্জীয়ন আৰু নিয়ন্ত্ৰণৰ বাবে স্পষ্ট নিয়ম প্ৰণয়নৰ নিৰ্দেশ বিচাৰি উচ্চতম ন্যায়ালয়ত দাখিল কৰিছ আবেদন। আবেদনখনত কোৱা হৈছে যে এই নিয়মে দেশত স্বচ্ছতা সুনিশ্চিত কৰা, ধৰ্মনিৰপেক্ষতা প্ৰসাৰিত কৰা আৰু ৰাজনৈতিক ন্যায় অটুট ৰাখিবলৈ সহায় কৰিব।
অধিবক্তা অশ্বিনী কুমাৰ উপাধ্যায়ে দাখিল কৰা আবেদনখনত অভিযোগ কৰা হৈছে যে বহু “ভুৱা ৰাজনৈতিক দল” গণতন্ত্ৰৰ বাবে গুৰুতৰ ভাবুকি সৃষ্টি কৰিছে। এই দলসমূহে বৃহৎ পৰিমাণৰ ধন আদায় কৰি অপৰাধী, ড্ৰাগছ সৰবৰাহকাৰী আৰু ধন সৰবৰাহকাৰীক দলীয় পদত নিযুক্তি দিছে। লগতে, ক’লা ধনক বগা ধনত ৰূপান্তৰ কৰিবলৈ ২০ শতাংশ কমিচন আদায় কৰি ভুৱা দল ব্যৱহাৰৰ ঘটনাও পোহৰলৈ আহিছে। কিছুমান বিচ্ছিন্নতাবাদী গোটে চান্দা সংগ্ৰহৰ উদ্দেশ্যে দল গঠন কৰাৰ লগতে আৰক্ষীৰ সুৰক্ষাও লাভ কৰিছে বুলি আবেদনখনত উল্লিখ কৰিছে।
আবেদনখনত উল্লেখ কৰা হৈছে যে ৰাজনৈতিক দলসমূহে ৰাজহুৱা কাম সম্পাদন কৰে আৰু তাৰ বাবে তেওঁলোকক জবাবদিহিতাৰ আওতাত অনাটো অত্যাৱশ্যক। বিকল্প ৰূপে, আবেদনখনত আইন আয়োগক বিশ্বৰ উন্নত গণতান্ত্ৰিক দেশসমূহৰ উত্তম পদ্ধতি পৰ্যালোচনা কৰি এক বিস্তৃত প্ৰতিবেদন প্ৰস্তুত কৰিবলৈ পৰামৰ্শ দিয়া হৈছে, যাতে দেশত ৰাজনীতিৰ দুৰ্নীতি আৰু অপৰাধমূলককৰণ হ্ৰাস কৰিব পৰা যায়।
