ভাৰতীয় ক্ৰীড়াপ্ৰেমীৰ বাবে সুখবৰ। ২০২৬ চনত ভাৰতত অনুষ্ঠিত হ’ব বিশ্ব বেডমিণ্টন চেম্পিয়নশ্বিপ। সোমবাৰে বেডমিণ্টনৰ সৰ্বোচ্চ সংস্থা বেডমিণ্টন বিশ্ব ফেডাৰেচনে ঘোষণা কৰা অনুসৰি ২০২৬ চনৰ আগষ্ট মাহত ভাৰতৰ ৰাজধানী নতুন দিল্লীত বিশ্ব বেডমিণ্টন চেম্পিয়নশ্বিপ অনুষ্ঠিত হ’ব।
ইয়াৰ পূৰ্বে ২০০৯ চনত ভাৰতৰ হায়দৰাবাদত বিশ্ব বেডমিণ্টন চেম্পিয়নশ্বিপ অনুষ্ঠিত হৈছিল। তাৰ পিছত প্ৰায় দুটা দশক (১৭ বছৰ) পাছত। ২০২৬ চনত পুনৰ ভাৰতত অনুষ্ঠিত হ’বলগীয়া এই মেগা টুৰ্ণামেণ্টখনৰ আয়োজক চহৰ হিচাপে নিৰ্বাচিত হৈছে দিল্লী। ২০২৫ বৰ্ষত পেৰিছত অনুষ্ঠিত হৈছিল এই প্ৰতিযোগিতা। পেৰিছত অনুষ্ঠিত সামৰণি অনুষ্ঠানত বি ডব্লিউ এফৰ সভাপতি খুনয়িং পাটামা লিছৱত্ৰকুল আৰু ভাৰতীয় বেডমিণ্টন এছ’চিয়েশ্যনৰ সাধাৰণ সম্পাদক সঞ্জয় মিশ্ৰ উপস্থিতিত সেই অনুষ্ঠানতে পৰৱৰ্তী বিশ্ব চেম্পিয়নশ্বিপ ভাৰতত অনুষ্ঠিত হ’ব বুলি ঘোষণা কৰে।
এই সন্দৰ্ভত ভাৰতীয় বেডমিণ্টন এছ’চিয়েশ্যনৰ সাধাৰণ সম্পাদক সঞ্জয় মিশ্ৰই কয়, “আমি আপোনালোকক আশ্বাস দিছো যে ভাৰতে এই প্ৰতিযোগিতাখন আয়োজন কৰাৰ ক্ষেত্ৰত কোনো কৃপনালি নকৰে। আৰু কয় যে দিল্লীত বেডমিণ্টন তাৰকাক আদৰিবলৈ সাজু।”
প্ৰসংগক্ৰমে ভাৰতে এইবাৰ বেডমিণ্টন বিশ্ব চেম্পিয়নশ্বিপত মুঠ ১৫টা পদক লাভ কৰিছে। ইয়াৰে পি ভি সিন্ধুৱে অকলেই ৫টা পদক লাভ কৰিছে। দেশৰ বেডমিণ্টন খেলুৱৈ আৰু প্ৰশিক্ষকসকলে অনুভৱ কৰিছে যে ভাৰতৰ উদীয়মান খেলুৱৈসকলে এক চিনাকি পৰিৱেশত, অনুৰাগীৰ সন্মুখত বিশ্ব বেডমিণ্টন চেম্পিয়নশ্বিপত অংশগ্ৰহণ কৰাৰ এক বৃহৎ সুযোগ লাভ কৰিব।
