ভাৰত ৰাষ্ট্ৰ সমিতিয়ে মঙলবাৰে দল বিৰোধী কাৰ্যকলাপৰ উদ্ধৃতি দি কে কবিতাক দলৰ পৰা বহিষ্কাৰ কৰে।
কবিতাক দলৰ পৰা বহিষ্কাৰ কৰাৰ সিদ্ধান্ত লৈছে পিতৃ তথা দলৰ সভাপতি কে চন্দ্ৰশেখৰে। কে কবিতা বিধান পৰিষদৰ সদস্য।
এই তথ্য ছ’চিয়েল মিডিয়া প্লেটফৰ্ম এক্সত দলৰ অফিচিয়েল পোষ্টত দিয়া হৈছে।
কে কবিতাক দলৰ পৰা বহিষ্কাৰ সন্দৰ্ভত দলটোৱে জাৰি কৰা এক বিবৃতিত লিখা আছে, “বিধায়ক কবিতাৰ শেহতীয়া দল বিৰোধী কাৰ্যকলাপে দলৰ ভাবমূৰ্তি আৰু স্বাৰ্থৰ ক্ষতি কৰিছিল।”
“কবিতাৰ এই কাৰ্যকলাপক দলৰ নেতৃত্বই গুৰুত্বসহকাৰে লৈছে। ইয়াৰ পৰিপ্ৰেক্ষিতত দলৰ সভাপতি চন্দ্ৰশেখৰ ৰাৱে কবিতাক তাৎক্ষণিকভাৱে কাৰ্যকৰী হোৱাকৈ দলৰ পৰা বহিষ্কাৰ কৰাৰ সিদ্ধান্ত লৈছে।”
