কংগ্ৰেছ নেতা জয়ৰাম ৰমেশে শুকুৰবাৰে (১২ ছেপ্টেম্বৰ, ২০২৫) অভিযোগ উত্থাপন কৰে যে আদানী গোটে মধ্য প্ৰদেশৰ ধীৰৌলীত কয়লা খনি প্ৰকল্পৰ বাবে চৰকাৰী আৰু বনাঞ্চল ভূমিত গছ কটাবলৈ আৰম্ভ কৰিছে, যাৰ ফলত বন অধিকাৰ আইন (এফ আৰ এ)ৰ স্পষ্ট উলংঘা কৰা হৈছে।
প্ৰাক্তন পৰিৱেশ মন্ত্ৰীগৰাকীয়ে লগতে দাবী কৰে যে ২০১৯ চনত মোদী চৰকাৰে ওপৰৰ পৰা এই আবণ্টন জাপি দিছিল, আৰু এতিয়া ২০২৫ চনত অত্যাৱশ্যকীয় আইনী অনুমোদন অবিহনে ইয়াক লৈ লৰালৰিকৈ আগবাঢ়িছে।
কংগ্ৰেছে উত্থাপন কৰা অভিযোগ সন্দৰ্ভত আদানী গোট বা কেন্দ্ৰৰ কোনো তাৎক্ষণিক প্ৰতিক্ৰিয়াৰ সৃষ্টি হোৱা নাছিল।
তেওঁ কয়, “মধ্যপ্ৰদেশৰ ধীৰৌলীত মোদানীয়ে কয়লা খনিৰ বাবে চৰকাৰী আৰু বনাঞ্চলৰ মাটিত দ্বিতীয় পৰ্যায়ৰ বনাঞ্চল নিষ্কাশন অবিহনে আৰু এফ আৰ এ, ২০০৬ পি ই এছ এ, ১৯৯৬ৰ স্পষ্ট উলংঘা কৰি গছ কাটিবলৈ আৰম্ভ কৰিছে ।
ৰমেশে আঙুলিয়াই দিয়ে যে,“কয়লা খননৰ ব্লকটো পঞ্চম অনুসূচীৰ এলেকাত পৰে, য’ত জনজাতীয় অধিকাৰ আৰু আত্মশাসনৰ বিধানসমূহ সাংবিধানিকভাৱে সুৰক্ষিত।”
তেওঁ অভিযোগ কৰে যে এই সুৰক্ষাসমূহক আওকাণ কৰা হৈছে – পঞ্চায়ত (Extension To The Scheduled Areas) Act, 1996 ৰ বিধান থকাৰ পাছতো, আৰু উচ্চতম ন্যায়ালয়ে গ্ৰাম সভাৰ সন্মতি বাধ্যতামূলক কৰা ৰায়দানৰ পাছতো কোনো গ্ৰামসভাৰ পৰামৰ্শ হোৱা নাই।”
উল্লেখ্য যে, চলিত মাহৰ আৰম্ভণিতে আদানী পাৱাৰে কয় যে মধ্যপ্ৰদেশৰ চিঙৰৌলি জিলাৰ ধীৰৌলি খনিত খনন কাৰ্য আৰম্ভ কৰিবলৈ কয়লা মন্ত্ৰালয়ৰ অনুমোদন লাভ কৰিছে। বিবৃতি অনুসৰি আদানী পাৱাৰে কয়লা মন্ত্ৰালয়ৰ পৰা ধীৰৌলি খনিটোত কাম আৰম্ভ কৰিবলৈ অনুমোদন লাভ কৰিছে ।
