ভাৰতীয় কমিউনিষ্ট পাৰ্টি(মাওবাদী)য়ে এক বিবৃতিত ঘোষণা কৰে যে তেওঁলোকে সাময়িকভাৱে সশস্ত্ৰ অভিযান বন্ধ কৰিব। সংগঠনটোৱে কেন্দ্ৰীয় চৰকাৰক এমাহৰ বাবে যুদ্ধবিৰতিৰ বাবে অনুৰোধ জনাইছে। এই সময়ছোৱাত মাওবাদীয়ে শান্তি চুক্তিৰ পথত আগবাঢ়িব বুলিও ঘোষণা কৰিছে।
অবিৰত অভিযানত ইজনৰ পিছত সিজন মাওবাদী নেতাৰ মৃত্যু আৰু আত্মসমৰ্পণৰ ফলত সংগঠনটোৰ বিধ্বস্ত অৱস্থা। সেয়ে যুদ্ধবিৰতিৰ চৰ্তত চৰকাৰৰ সৈতে শান্তি মেজত বহিবলৈ সন্মত হৈছে।
প্ৰসংগক্ৰমে জনযুদ্ধ গোট আৰু নক্সাল আন্দোলনৰ প্ৰেক্ষাপটত মাওবাদীয়ে স্বেচ্ছাই যুদ্ধবিৰতি ঘোষণা কৰি শান্তি আলোচনাত সন্মতি প্ৰকাশ কৰিছে। ইয়াৰ বাবে তেওঁলোকে আভ্যন্তৰীণ আলোচনাৰ বাবে সময় বিচাৰিছে। লগতে চৰকাৰক তেওঁলোকৰ সিদ্ধান্তৰ বিষয়ে অৱগত কৰিব লাগে বুলিও কৈছে।
মাওবাদীৰ এই বিবৃতিত স্বাক্ষৰ কৰিছে কমৰেড অভয়ে। ১৫ আগষ্টত লিখা এই পত্ৰখন ইতিমধ্যে গৃহ মন্ত্ৰণালয়ে লাভ কৰিছে। ১৬ ছেপ্টেম্বৰত এই পত্ৰখন প্ৰকাশ পাইছিল। অৰ্থাৎ মাওবাদীয়ে অনুৰোধ কৰা এমাহৰ যুদ্ধবিৰতি শেষ হৈছিল, আৰু পত্ৰখন ফাদিল হৈছিল।
বিবৃতিটোত মাওবাদীয়ে প্রধানমন্ত্রী, গৃহমন্ত্রী আৰু আৰক্ষীৰ শীর্ষ বিষয়াসকলৰ অস্ত্র ত্যাগ কৰাৰ প্রস্তাৱ মানি লৈছে৷
কোৱা হৈছে যে ৰাষ্ট্ৰীয় আৰু বিশ্বব্যাপী পৰিস্থিতিত দলৰ সাধাৰণ সম্পাদক বাছবৰাজুৱে যি শান্তি আলোচনাৰ প্ৰক্ৰিয়া আৰম্ভ কৰিব বিচাৰিছিল, সেই প্ৰক্ৰিয়াটো আমি আগুৱাই নিব বিচাৰো। একে সময়তে প্ৰধানমন্ত্ৰী আৰু গৃহমন্ত্ৰীৰ অস্ত্ৰ আত্মসমৰ্পণৰ অনুৰোধ গ্ৰহণ কৰি আমি সমাজৰ মূলসুঁতিলৈ ঘূৰি আহিব বিচাৰো। আমি অস্ত্ৰ-শস্ত্ৰ এৰিবলৈ সাজু। অৱশ্যে চৰকাৰে আমাক আলোচনাৰ বাবে এমাহ সময় দিব লাগে।
এই সময়ছোৱাত আমি আত্মগোপন কৰি থকা আৰু কাৰাগাৰত থকা নেতাসকলৰ সৈতে আলোচনা কৰিব পাৰিম। মন কৰিবলগীয়া যে চলিত বৰ্ষৰ আৰম্ভণিতে ছত্তীশগড়ৰ বাস্তৰ অঞ্চলত নম্বলা কেশৱ ৰাও ওৰফে বাসবৰাজুৰ মৃত্যুৰ পিছৰে পৰা সংগঠনটোৰ নেতৃত্বৰ সমস্যা বাঢ়িছে। কিন্তু এতিয়ালৈকে কেন্দ্রীয় চৰকাৰে মাওবাদীৰ এই চিঠিখনৰ বিষয়ে একো কোৱা নাই, আৰু শান্তি আলোচনাৰ প্রস্তাৱৰ প্রতি কোনো সহাৰি দিয়া নাই৷
