উত্তৰ প্ৰদেশত সংঘটিত হৈছে এক চাঞ্চল্যকৰ ঘটনা। এগৰাকী মহিলাক নিৰ্যাতন কৰা লোকক স্কুটীত খেদি খেদি ধৰিলে মহিলাগৰাকীয়ে। অভিযুক্তক ধৰাৰ পাছত মহিলাগৰাকীয়ে মাজ ৰাস্তাত তাক উত্তম মধ্যম শোধায়। এই সমগ্ৰ ঘটনাৰ ভিডিঅ’সামাজিক মাধ্যমত ভাইৰেল হৈ পৰিছে।
ভিডিঅ’টোত মহিলাগৰাকীক এজন পুৰুষে মদ্যপান কৰি নিৰ্যাতন চলোৱাৰ অভিযোগ উত্থাপন হৈছে। উত্তৰ প্ৰদেশৰ ফতেহপুৰৰ জয়ন্তী বজাৰত বৃহস্পতিবাৰে সংঘটিত হয় এই ঘটনা। ভিডিঅ’টোত দেখা গৈছে যে মহিলাগৰাকীয়ে প্ৰথমে একো নক’লেও মানুহজনে তেওঁক অপমান কৰিবলৈ আৰম্ভ কৰে। ইয়াৰ পাছত মহিলাগৰাকীয়ে স্কুটীত উঠি অভিযুক্তজনক খেদি বজাৰৰ মাজত ধৰে আৰু বেয়াকৈ মাৰ-ধৰ কৰে।
ভিডিঅ’টোত অভিযোগকাৰীক বজাৰৰ মাজত ৰাস্তাত থিয় কৰাই মহিলাগৰাকীয়ে প্ৰচণ্ড চৰ সোধায়। ৰাস্তাত তেওঁলোকৰ চাৰিওফালে পথচাৰী থিয় হৈ আছিল। পথচাৰীৰ নেৰানেপেৰা প্ৰচেষ্টাৰ অন্তত অৱশেষত দুয়োপক্ষ শান্ত হয়। অৱশ্যে এই ঘটনাত আৰক্ষীয়ে কোনো ব্যৱস্থা গ্ৰহণ কৰিছে নে নাই সেয়া এতিয়াও জানিব পৰা হোৱা নাই।
