হিন্দু পৰিচয় দি প্ৰথমে বন্ধুত্ব, তাৰ পিছত প্ৰেমৰ জালত পেলাই যুৱতীক ধৰ্ষণ আৰু ধৰ্ম সলনি কৰাৰ চেষ্টা! মধ্যপ্ৰদেশৰ ইন্দোৰত লাভ জেহাদৰ এনে এক গুৰুতৰ অভিযোগ পোহৰলৈ আহিছে। অভিযুক্ত মুছলমান যুৱকজনৰ বিৰুদ্ধে আৰক্ষীত অভিযোগ দাখিল কৰিছে যুৱতীগৰাকীয়ে। অভিযুক্তক গ্ৰেপ্তাৰ কৰি সমগ্ৰ ঘটনাটোৰ তদন্ত আৰম্ভ কৰিছে আৰক্ষীয়ে।
কোনোমতে সেই স্থানৰ পৰা ঘৰলৈ উভতি আহি যুৱতীগৰাকীয়ে নিজৰ মাতৃক সমগ্ৰ ঘটনাটো জনায়। পৰিয়ালৰ পৰামৰ্শক্ৰমেই থানাত অভিযোগ দাখিল কৰা হয়। অভিযোগৰ ভিত্তিত অনছ নামৰ অভিযুক্তজনক আৰক্ষীয়ে গ্ৰেপ্তাৰ কৰিছে। তেওঁক জেৰা কৰাৰ লগতে মোবাইল ফোন পৰীক্ষা কৰি আন কেইবাগৰাকীও মহিলাৰ ফটো উদ্ধাৰ হৈছে। একাধিক ধাৰাত অভিযুক্তজনৰ বিৰুদ্ধে গোচৰ ৰুজু কৰাৰ লগতে সমগ্ৰ ঘটনাটোৰ তদন্ত আৰম্ভ কৰিছে আৰক্ষীয়ে।
লসুড়িয়া থানা এলেকাৰ এটা পেট্ৰ’ল পাম্পত ২২ বছৰীয়া এগৰাকী যুৱতীয়ে কাম কৰিছিল। তাতে তেওঁ এজন যুৱকৰ সৈতে চিনাকি হয়। যুৱকজনে নিজকে হিন্দু বুলি চিনাকি দিছিল আৰু কৈছিল যে তেওঁৰ নাম অশ্বিন। নাম সলাই যুৱকজনে যুৱতীগৰাকীৰ সৈতে বন্ধুত্ব কৰিছিল। যুৱতীগৰাকীৰ দাবী অনুসৰি, বন্ধুত্ব হোৱাৰ পিছতো তেওঁলোকে কেতিয়াও ক’তো একেলগে ফুৰিবলৈ যোৱা নাছিল। যোৱা ৭ ডিচেম্বৰত যুৱকজনে তেওঁক এটা স্থানত দেখা কৰিবলৈ মাতিছিল। তাত যুৱকজনৰ পৰিয়ালৰ সদস্যসকল পূৰ্বৰে পৰা উপস্থিত আছিল। তেওঁলোকৰ কথা-বতৰাত যুৱতীগৰাকীয়ে জানিব পাৰে যে যুৱকজন আচলতে মুছলমান, আৰু তেওঁৰ প্ৰকৃত নাম অনছ। তাত তেওঁক ‘নিকাহ’ কৰিবলৈ হেঁচা প্ৰয়োগ কৰা হয়। প্ৰতাৰিত হোৱা বুলি বুজি পাই যুৱতীগৰাকীয়ে সেই স্থানৰ পৰা গুচি আহে।
নিৰ্যাতিতাৰ দাবী অনুসৰি, ইয়াৰ পিছত ১২ ডিচেম্বৰৰ নিশা প্ৰায় ১০.৩০ বজাত যুৱকজনে তেওঁক পুনৰ মাতে। কথা পতাৰ চলেৰে তেওঁক এটা কোঠালৈ লৈ যায়। তাত তেওঁক ধৰ্ম সলাই বিয়া কৰাবলৈ হেঁচা দিয়ে। কিন্তু যুৱতীগৰাকীয়ে মান্তি নোহোৱাত তেওঁক মাৰপিট কৰা হয় আৰু জোৰ কৰি ধৰ্ষণ কৰা হয়। এই ঘটনা কাৰোবাক জনালে হত্যা কৰাৰো ভাবুকি দিয়া হয়।
