ইৰাণৰ নৌসেনাৰ ছুপ্ৰীম কমাণ্ডাৰ আলিৰেজা টাংছিৰি নিহত হৈছে। ইজৰাইলে দাবী কৰে যে বৃহস্পতিবাৰে দক্ষিণ ইৰাণত বিমান আক্ৰমণত তেওঁ নিহত হৈছে। ইৰাণে যুদ্ধৰ চতুৰ্থ সপ্তাহত ইৰাণৰ আন এজন শীৰ্ষ পৰ্যায়ৰ নৌসেনা সেনাধ্যক্ষক হেৰুৱাইছে।
আলিৰেজাই ইছলামিক ৰিভল্যুচনেৰী গাৰ্ড কৰ্পছৰ নৌসেনা শাখাৰ নেতৃত্ব দিছিল। বেঞ্জামিন নেতানিয়াহুৰ প্ৰশাসনে দাবী কৰা মতে, হৰমুজ প্ৰণালীৰ ওচৰৰ বন্দৰ আব্বাছ অঞ্চলত ইজৰাইলৰ আক্ৰমণত তেওঁ নিহত হয়।
ইজৰাইলৰ বাতৰি কাকত জেৰুজালেম পোষ্টৰ মতে, শত্ৰু আৰু তেওঁলোকৰ মিত্ৰশক্তিৰ জাহাজসমূহে যাতে হৰমুজ প্ৰণালীৰ মাজেৰে পাৰ হ’ব নোৱাৰে তাক নিশ্চিত কৰাৰ দায়িত্ব আছিল আলিৰেজাৰ।
কিন্তু ইৰাণৰ নৌসেনাৰ শীর্ষ অধিনায়কক নিহত হোৱা বন্দৰ আব্বাছত হোৱা বিমান আক্রমণ ইজৰাইল নে আমেৰিকাই সংঘটিত কৰিছিল সেয়া এতিয়াও নিশ্চিত হোৱা নাই৷ ইজৰাইলৰ প্ৰতিৰক্ষা মন্ত্ৰালয়ে এতিয়াও আলিৰেজাক হত্যা কৰাৰ দায়িত্ব স্বীকাৰ কৰা নাই যদিও তেওঁ নিহত হোৱা বুলি দাবী কৰিছে।
সূত্ৰ অনুসৰি ২০১৮ চনৰ আগষ্ট মাহত আলিৰেজাই আই আৰ চি জি নৌসেনাৰ দায়িত্ব গ্ৰহণ কৰিছিল।২৮ ফেব্ৰুৱাৰীত যুদ্ধ আৰম্ভ হোৱাৰ পৰা ইৰাণৰ নৌসেনাই আৰম্ভ কৰা আক্ৰমণৰ নেতৃত্ব দিছিল আলিৰেজাই।
বাতৰি অনুসৰি উপসাগৰীয় অঞ্চলত থকা আমেৰিকাৰ বিভিন্ন ঘাটিৰ বিৰুদ্ধে প্ৰতিশোধ ল’বলৈ যোৱা সপ্তাহত আলিৰেজাইয়ে কঠোৰ সতৰ্কবাণী দিছিল। সেই সময়ত তেওঁ কৈছিল যে ইৰাণে আক্ৰমণৰ পৰিসৰ বৃদ্ধি কৰিছে। আক্ৰমণৰ লক্ষ্যও বৃদ্ধি কৰা হৈছে। এইবাৰ আমেৰিকাৰ মিত্ৰশক্তিৰ তেলৰ ভাণ্ডাৰত সম্পূৰ্ণ শক্তিৰে আক্ৰমণ কৰা হ’ব। আমেৰিকা যাতে সাজু থাকে।
