বিগত কাটাৰ বিশ্বকাপত দমনীয় ফুটবল খেলিলেও চূড়ান্ত সফলতা নাহিল। স্তব্ধ হৈ পৰিবলগীয়া হৈছিল লিয়নেল মেছিৰ আৰ্জেণ্টিনাৰ লগত। সেই হতাশা দূৰ কৰিবলৈ এইবাৰ বিশ্বকাপত ভাল প্ৰদৰ্শন কৰাটোৱেই সকলোৰে মূল লক্ষ্য।
সেই অৰ্থত ডাচ ব্ৰিগেডে কিছুদিন পূৰ্বে জাপানৰ মুখামুখি হৈছিল। পূৰ্ণ সময়ৰ শেষত মেচখন ড্ৰ’ৰে সমাপ্ত হয়। সেই হতাশাৰ পিছত প্ৰত্যাৱৰ্তন কৰিবলৈ অধীৰ হৈ আছিল ৰ’নাল্ড ক’মেনৰ নেদাৰলেণ্ড। নিৰ্ধাৰিত সূচী মতে শনিবাৰে নিশা ছুইডেনৰ বিৰুদ্ধে দ্বিতীয়খন খেল খেলিছিল।
পূৰ্ণ সময়ৰ শেষত ভেন ডাইকৰ দলটোৱে ৫-১ গ’লৰ ব্যৱধানত জয়লাভ কৰে। দলটোৰ হৈ ব্রায়ান ব্ৰ’বিয়ে দুটা গ’ল দিয়ে৷ লগতে দুটা গ’ল কৰে ক্ৰ’ডি গাপকোৱে। এটা গ’ল দিয়ে ছমাৰভিলে। আনহাতে এন্থনী এলাংগাই ছুইডেনৰ হৈ ব্যৱধান হ্ৰাস কৰে।
এই মেচত জয়লাভ কৰাৰ ফলত নেদাৰলেণ্ডে নিজৰ গ্ৰুপৰ শীৰ্ষত স্থান পালে। ছুইডেনে তেওঁলোকৰ যাত্ৰাত ডাঙৰ আঘাত পালে। মন কৰিবলগীয়া যে মেচখনৰ আৰম্ভণিৰে পৰাই নেদাৰলেণ্ডৰ খেলুৱৈসকলে যথেষ্ট দমনীয় ফুটবল খেলা দেখা গৈছিল।
প্ৰথম কোৱাৰ্টাৰৰ আৰম্ভণিতে ব্ৰ’বিৰ গ’লেৰে ডাচ দলটোৱে অগ্ৰগতি লাভ কৰে। তাৰ পাছত দ্বিতীয় কোৱাৰ্টাৰৰ আৰম্ভণিতে তেওঁৰ ভৰিৰ পৰাই আনটো গ’ল আহিল। ফলত প্ৰথমাৰ্ধৰ শেষত নেদাৰলেণ্ডে দুটা গ’লত আগবাঢ়ি আছিল।
অৱশ্যে দ্বিতীয়ার্ধৰ আৰম্ভণিতেও আক্রমণাত্মক মনোভাৱ বজাই ৰাখিছিল৷ ফলত এইবাৰ গ’ল কৰিবলৈ গাপকোৱে বিশেষ অসুবিধা নাপালে। ইয়াৰ কেই মিনিট পিছতে গাপকোৱে দ্বিতীয়টো গ’ল দিয়ে। তাৰ পাছত ছুইডেনে ব্যৱধান কমাই বলটো এবাৰ বিপক্ষৰ গ’লত ঠেলি দিলে। শেষত ছমাৰভিলে তেওঁলোকৰ ব্যৱধান ৫-১ লৈ আনি সামৰণি মাৰিলে।
