নাইজেৰিয়াৰ দক্ষিণ-পশ্চিম অঞ্চলৰ অণ্ডো ৰাজ্যত সোমবাৰে এখন সামৰিক বিমান দুৰ্ঘটনাগ্ৰস্ত হৈ ৩২ জন লোকৰ মৃত্যু হয়। নিহতসকলৰ ভিতৰত আছে ২৫ জন যাত্ৰী আৰু ৭ জন ক্ৰু মেম্বাৰ। বিমানখন বেনিনৰ পৰা লাগোছলৈ গৈ আছিল।
নাইজেৰিয়াৰ ৰাষ্ট্ৰপতি বোলা টিনুবুৱে এই ঘটনাক লৈ গভীৰ শোক প্ৰকাশ কৰে। তেওঁ কয় যে বিমান দুৰ্ঘটনাত কোনো লোক জীৱিত নাই।
এক বিবৃতিত টিনুবুৱে কয় যে তেওঁ নাইজেৰিয়াৰ বায়ুসেনাক এই দুৰ্ঘটনাৰ কাৰণ নিৰ্ণয় কৰিবলৈ আৰু ভৱিষ্যতে এনেধৰণৰ কাণ্ড ৰোধ কৰিবলৈ তদন্ত আৰম্ভ কৰাৰ নিৰ্দেশ দিছে।
বিমান পৰিবহণৰ বিষয়া ফেষ্টাছ কিয়ামোৱে জনোৱা মতে, বেনিন চহৰৰ পৰা লাগোছলৈ যোৱাৰ পথত বিমানখনৰ সৈতে যোগাযোগ হেৰুৱাইছিল। এইটো শেহতীয়াকৈ নাইজেৰিয়াত সংঘটিত হোৱা অন্যতম মাৰাত্মক বিমান দুৰ্ঘটনা আছিল।
উপকূলীয় চহৰ ইগবোগোটাৰ সমীপত উদ্ধাৰ হৈছে বিমানখনৰ ধ্বংসাৱশেষ। তাত অনুসন্ধান আৰু উদ্ধাৰ অভিযান চলি আছে।
