যি সকল নাগৰিকৰ ৰাষ্ট্ৰীয় নাগৰিক পঞ্জীৰ বাবে আৱেদন কৰোঁতে বংশ-বৃক্ষ আৰু তথ্যত বিসংগতি ওলাইছিল, সেই সকলে দাবী আৰু শুধৰণি প্ৰপত্ৰৰ বাবে পুনৰ ভীৰ কৰিছেহি। শেহতীয়াভাৱে শুধৰণি প্ৰপত্ৰ পূৰাবলৈ গৈ জনসাধাৰণৰ কষ্টই সহ্যৰ শেষ সীমালৈ অতিক্ৰম কৰি গৈছে। এনে কিয় হৈছে? আজিও বহুতো আৱেদনকাৰীয়ে প্ৰপত্ৰ লৈ নতুনকৈ পূৰাবলৈ পুৱাৰে পৰা ৰৈ ৰৈ অৱশেষত খালি হাতে ঘৰলৈ উভতি যাবলৈ বাধ্য হৈছে।
ৰাষ্ট্ৰীয় নাগৰিক পঞ্জীৰ কৰ্মচাৰীসকলে শুকুৰবাৰে ১১-০০ বজাত জনাইছিল যে তেওঁলোকে প্ৰপত্ৰ সংগ্ৰহ কৰাৰ বাবে পুনৰ ১৬ আগষ্টত আহিব লাগিব। এই মাহৰ ৭ তাৰিখে প্ৰপক্ষবোৰ ওভোতাই দি তেওঁলোকক ১০ তাৰিখ মানে আজি আহিবলৈ কৈ তেওঁলোকক পুনৰ ১৬ তাৰিখে আহিবলৈ কৈছে।
শিলচৰৰ নৰ্মাল স্কুলত থকা ৰাষ্ট্ৰীয় নাগৰিক পঞ্জী সেৱা কেন্দ্ৰলৈ অহা এগৰাকী অৱসৰপ্ৰাপ্ত সেনাৰ কেপ্টেইন সঞ্জয় ভগতে কৈছে, ‘‘মোৰ বয়স ৭০ বছৰ। আমাৰ বাবে এয়া এক প্ৰকাৰৰ আতিশয্য, কৰণ আমি বহু দূৰৰ পৰা আহিব লাগে। মই যে সিদিনাই মোৰ প্ৰশ্নৰ উত্তৰ পাম তাৰ কি নিশ্চয়তা আছে?
আন এগৰাকী ৭০ বছৰীয়া স্বপন দাসে ৰাষ্ট্ৰীয় নাগৰিক পঞ্জী সেৱা কাৰ্যালয়ৰ পৰা ওলাই আহোতে কৰ্মচাৰীসকলক ভোৰভোৰাই গালি শাপনি পাৰি ওলাই আহি গুছি গৈছিল। ‘‘এবাৰ ক’ব ৭ তাৰিখে আহিবলৈ, এবাৰ ক’ব ১০ তৰিখে আৰু এইবাৰ কৈছে ১৬ তাৰিখে আহিবলৈ। ইয়াৰ পাছত হয়োত বাংলাদেশলৈ যাবলৈ ক’ব।
আৱেদনকাৰীসকলৰ মাজত থকা ক্ৰোধৰ অনুমান কৰিব পৰা গৈছিল যদিও সমগ্ৰ দিনটোতেই ৰাষ্ট্ৰীয় নাগৰিক পঞ্জী কোনো এটা সেৱা কেন্দ্ৰতেই অবাঞ্চিত পৰিস্থিতি সংঘটিত হোৱা নাছিল। নৰ্থ ইষ্ট নাও উপস্থিত হোৱা প্ৰতিটো ৰাষ্ট্ৰীয় নাগৰিক পঞ্জী সেৱা কেন্দ্ৰতেই নিৰাপত্তাৰ পৰ্যাপ্ত ব্যৱস্থা কৰা হৈছিল।
নাম প্ৰকাশত অনিচ্ছুক এগৰাকী সেৱা কেন্দ্ৰ বিষয়াই কৈছে, ‘‘আৱেদনকাৰীসকলৰ মনৰ অৱস্থা আমি বুজি পাইছো। আমি আৱেদনকাৰীসকলক বুজাবলৈ যথাসাধ্যে চেষ্টা কৰিছোঁ। আমি বুজি পাইছোঁ যে ইয়াতে মানুহ কিছু হাৰাশাস্তি হৈছে।’’
