ডিমা হাছাওৰ চিইএম দেবলাল গাৰ্লোছাই বন্দনা থাওছেনৰ দ্বাৰা লিখিত ‘হিষ্টৰী অব ডিমাছাছ এণ্ড আডাৰ ৰাইটিংছ অব এছআৰ থাওছেন’ (‘History of the Dimasas & Other writings of S.R. Thaosen’ ) আৰু ৰামদিনা লালছিমে লিখা ‘এ ব্ৰিফ একাউণ্ট অব দ্য ট্ৰাইবছ অব ডিমা হাছাও আছাম’ (‘A brief account of the tribes of Dima Hasao Assam’ ) নামৰ গ্ৰন্থ দুখন উন্মোচন কৰে। এই গ্ৰন্থ দুখন তথ্য আৰু জনসংযোগ বিভাগ, পাহাৰ, হাফলঙে প্ৰকাশ কৰি উলিয়াইছে।
বন্দনা থাওছেন হৈছে সংগঠক, সমাজ সংস্কাৰক, শিক্ষাবিদ আৰু লিখক প্ৰয়াত এছআৰ থাওছেনৰ নাতিনী। তেওঁৰ কেইবাটাও ভাষাত বুৎপত্তি আছিল। গ্ৰন্থখনত ২২ টা অধ্যায় আছে আৰু ইয়ৰে ১৭টাত ডিমাছাসকলৰ বিভিন্ন সামাজিক সমস্যাসমূহ আলোচনা কৰা হৈছে। গ্ৰন্থখনত ৪টা ইংৰাজী ভাষাৰ লেখনি আৰু তেওঁৰ বাংলা ভাষাত লিখা আত্মজীৱনী সন্নিবিষ্ট আছে।
বন্দনা থাওছেন হৈছে শিলচৰৰ গুৰচৰণ কলেজৰ জ্যেষ্ঠ ফেকাল্টি আৰু এছআৰ থাওছেনৰ নাতি-নাতিনীসকলৰ মাজত বয়োজ্যেষ্ঠা।
বন্দনা থাওছেনে কৈছে যে এই গ্ৰন্থখনত সত্য ঘটনাক প্ৰতিফলিত কৰা ৰচনা, ভাষণ, স্মৃতিকথা, সম্পাদকীয়সমূহ সন্নিবিষ্ট আছে।
ৰামদিনা লালছিমে লিখা ‘এ ব্ৰিফ একাউণ্ট অব দ্য ট্ৰাইবছ অব ডিমা হাছাও আছাম’ নামৰ গ্ৰন্থখনত জিলাখনৰ সৰু সৰু জনজাতিসমূহৰ সংস্কৃতি, দৈনন্দিন জীৱনযাত্ৰা, উৎসৱ-পাৰ্বণ একোটাকৈ চমু আভাস দিয়া হৈছে।
বাৰেৰহণীয়া সহজ-সৰল হৃদয়ৰ জনজাতিসমূহ, জিলাখনত থকা গছ-গছনি আৰু জীৱ-জন্তুসমূহ, উপত্যকা, অৰণ্য, পাহাৰ, নিজৰা, সৰ্পিল বাট-পথেৰে মনোমোহা প্ৰাকৃতিক দৃশ্যৰে ভৰা পাৰ্বত্য জিলাখনক বুজাত বহিৰ্বিশ্বৰ বাসিন্দাসকলক সহয় কৰিব।
গ্ৰন্থাকাৰ ৰামদিন লালছিম হৈছে হাফলঙৰ স্থানীয় বাসিন্দা। তেওঁ এগৰাকী আৱেগ প্ৰৱণ লিখক আৰু ফটোগ্ৰাফাৰ।
