মেঘালয়ৰ বিজ্ঞান আৰু প্ৰযুক্তিবিদ্যা বিশ্ববিদ্যালয়ত (USTM) ‘ৰেডিঅ’কেমিষ্ট্ৰী আৰু ৰেডিঅ’আইছটপৰ প্ৰয়োগ’ শীৰ্ষক এখন ৬ দিনীয়া ৰাষ্ট্ৰীয় পৰ্যায়ৰ কৰ্মশালা অনুষ্ঠিত কৰা হ’ব। এই আলোচনাচক্ৰত ইণ্ডিয়ান এছোচিয়েশ্যন অব নিউক্লিয়াৰ কেমিষ্ট আৰু ভাবা আণৱিক গৱেষণা কেন্দ্ৰৰ ৰেডিঅ’কেমিষ্ট্ৰী বিভাগৰ এলাইড ছাইন্সেজৰ সহযোগত (IANCAS) এই কৰ্মশালাৰ পৃষ্ঠপোষকতা কৰিছে আণৱিক বিজ্ঞানৰ গৱেষণা সংসদ (BRNS), আৰু ভাবা আণৱিক গৱেষণা কেন্দ্ৰৰ (BARC), আণৱিক শক্তি বিভাগে (DAE)। চলিত বৰ্ষৰ পহিলা অক্টোবৰৰ পৰা ৬ অক্টোবৰলৈকে এই কৰ্মশালা অনুষঅঠিত হ’ব।
এই কৰ্মশালাখনত অংশগ্ৰহণকাৰীসকলে ৰেডিঅ’কেমিষ্ট্ৰী আৰু ৰেডিঅ’আইছটপৰ ক্ষেত্ৰখনৰ লগতে আণৱিক পদাৰ্থবিদ্যা(nuclear Physics) আৰু ৰসায়নবিদ্যাৰ ওপৰত শেহতীয়া গৱেষণা সম্পৰ্কত অৱগত কৰাব। সৰ্বোপৰি, ৰেডিঅ’আইছটপ আৰু আণৱিক পদাৰ্থবিদ্যা আৰু ৰসায়নে সামৰি লোৱা স্বাস্থ্য সেৱা, উদ্যোগ, কৃষি, খাদ্য আৰু গৱেষণা আদিৰ দিশসমূহকো আলোচনাত সামৰি লোৱা হ’ব।
গৱেষণাগাৰত কৰা পৰীক্ষাৰ প্ৰদৰ্শন কৰাৰ বাবে কাৰিকৰী অধিৱেশনৰো ব্যৱস্থা থাকিব। তাৰোপৰি, প্ৰাথমিক আৰু আণৱিক বিজ্ঞানৰ শিক্ষাদান আৰু গৱেষণাৰ সৈতে জড়িত থকা অংশগ্ৰহণকাৰীসকলক উপকৃত কৰাৰ বাবে গৱেষণাৰ সুযোগ দিয়াৰ বাবে বিশেষ অধিৱেশনৰ ব্যৱস্থা কৰা হৈছে।
ৰেডিঅ’লজিষ্ট আৰু চিকিৎসা মহাবিদ্যালয়ৰ ৰেডিঅ’লজি বিভাগৰ সৈতে জড়িত বিজ্ঞান-সম্পৰ্কীয় বিষয়াসকলৰ লগতে ৰসায়ন, পদাৰ্থবিদ্যা, জৈৱবিজ্ঞান (Biosciences), স্বাস্থ্য বিজ্ঞান আৰু পৰিৱেশ বিজ্ঞানৰ গৱেষক, ফেকাল্টি সদস্যসকলে কৰ্মশালাখনত অংশগ্ৰহণ কৰিব পাৰে আৰু [email protected] ঠিকনাত ই-মেইল কৰিব পাৰে।
প্ৰতিগৰাকী অংশগ্ৰহণকাৰীয়ে চূড়ান্ত অধিৱেশত প্ৰমাণপত্ৰ লাভ কৰিব আৰু কৰ্মশালাখনক বিশ্ববিদ্যালয় অনুদান আয়োগৰ নীতি অনুসৰি এটা হ্ৰস্বকালীন পাঠ্যক্ৰম হিচাপে বিৱেচনা কৰা হ’ব।
