আজি নগাঁও জিলাৰ চামগুৰি আৰক্ষী থানাৰ অন্তৰ্গত আমনিৰ ৰঙাগড়াত তীব্ৰবেগী এখন ডাম্পাৰে ৩৭ নং ৰাষ্ট্ৰীয় ঘাইপথৰ কাষত ৰৈ থকা এজন ব্যক্তিক মহতিয়াই নিয়ে।
প্ৰাপ্ত তথ্য মতে আমনিৰ ৰঙাগড়াত এ এছ ১২ এ চি ৭৮৩৯ নম্বৰৰ এখন তীব্ৰবেগী ডাম্পাৰে পথৰ কাষত গাড়ীৰ বাবে ৰৈ থকা এজন লোকক লোকক খুন্দা মহতিয়াই নিয়ে। ফলত লোকজনে এটা ভৰি হেৰুৱাই জীৱনৰ বাবে ঘূনিয়া হ’ব লগীয়া হয়।
দুৰ্ঘটনাত পতিত হৈ ঘূনিয়া হোৱা লোকজন কনুৱামাৰী পঞ্চায়তৰ বৌ বজাৰৰ নিবাসী সুজিত পাল (৫২) বুলি জানিব পৰা গৈছে।
আনহাতে দুৰ্ঘটনা সংঘটিত কৰি ডাম্পাৰখনে ৰাইজৰ ৰোষক পৰাৰ ভয়ত পলায় সৰাৰ চেষ্টা কৰিছিল যদিও জখলাবন্ধা থানাই গাড়ীখন জব্দ কৰে। লগতে ডাম্পাৰখনৰ চালক আৰু হেণ্ডমেনকো আটক কৰে।
ইতিমধ্যে জখলাবন্ধা আৰক্ষীয়ে ডাম্পাৰ আৰু আটকাধীন লোককেইজনক চামগুৰি আৰক্ষীক চমজাই দিয়ে বুলি আৰক্ষী সূত্ৰৰ পৰা জানিব পৰা গৈছে।
উল্লেখযোগ্য যে বিভিন্ন অঞ্চলৰ কেছাৰৰ ডাম্পাৰৰ দৌৰাত্ম্যৰ ফলত প্ৰায়ে দুৰ্ঘটনা সংঘটিত হৈ আহিছে। লগতে বহু লোক ঘূনিয়া হোৱাৰ উপৰি আন কোনো কোনো লোকে নিজৰ প্ৰাণ হেৰুৱাবলগীয়া হৈছে।
