ভাৰতৰ ৰাষ্ট্ৰপতি ৰামনাথ কোবিন্দে আজি দশেৰা আৰু বিজয়া দশমী উপলক্ষে অসমবাসীৰ উদ্দেশ্যে অসমীয়া ভাষাতেই শুভেচ্ছা জ্ঞাপন কৰিছে। তাৎপৰ্যপূৰ্ণ কথাটো হৈছে ৰাষ্ট্ৰপতিগৰাকীয়ে নিজৰ চৰকাৰী টুইটাৰ একাউণ্ট @rashtrapatibhavnৰ পৰা অসমীয়াতে টুইট কৰিছে।
ৰাষ্ট্ৰপতিগৰাকীয়ে নিজৰ চৰকাৰী টুইট বাৰ্তাটোত লিখিছে ‘‘এটা দুৰ্গা পূজা আৰু বিজয়া দশমী উপলক্ষে সকলোলৈ দশেৰা আৰু শুভ বিজয়াৰ ওলগ জনালোঁ। এয়া অপশক্তিৰ বিৰুদ্ধে শুভশক্তিৰ জয়ৰ উদযাপন। এই পৱিত্ৰ দিনটোৱে আমাৰ সমাজলৈ কঢ়িয়াই আনক সুখ, শান্তি আৰু সমৃদ্ধিৰ বতৰা।’’
১৮ অক্টোবৰৰ আবেলি ৬-০৬ বজাত প্ৰকাশ পোৱা ৰাষ্ট্ৰপতিগৰাকীৰ এই শুভেচ্ছাবাণীৰ টুইটটো বাতৰি লিখাৰ পৰলৈকে ৮১টা ৰিটুইট ১৮টা টুইট আৰু ৩৬৫টা লাইক পাইছে।
ৰাষ্ট্ৰপতিগৰাকীৰ শুভেচ্ছাৰ উত্তৰত টুইটাৰেট্টিসকলেও অসমীয়া, বাংলা আৰু ইংৰাজী ভাষাত ৰাষ্ট্ৰপতিগৰাকীলৈ শুভেচ্ছা জ্ঞাপন কৰিছে।
