বিশ্বনাথত সোমবাৰে নিশা সংঘটিত হোৱা এক ভয়ংকৰ পথ দুর্ঘটনাত দুজন যুৱকৰ ঘটনাস্থলীতে মৃত্যু হয়। বিশ্বনাথ চাৰিআলিৰ পাভৈ পথত সংঘটিত হোৱা পথ দুৰ্ঘটনাটোত যুৱক দুজন নিহত হয়।
সোমবাৰে নিশা প্ৰায় ৮-৩০ মান বজাত এই ভয়ংকৰ পথ দুৰ্ঘটনা সংঘটিত হয়। জানিব পৰা মতে, বিশ্বনাথৰ পাভৈ পথৰ লেহুগাৱৰ সমীপত এ এছ ০১ ডি এল ১৮১৮ নম্বৰৰ স্কৰপিঅ আৰু এছ এছ ১২ এন ১৯৬০ নম্বৰৰ বাইকৰ মুখামুখি সংঘৰ্ষৰ ফলত এই ভয়ংকৰ দুৰ্ঘটনাটো সংঘটিত হয়।
উক্ত দুৰ্ঘটনাটোৰ ফলত বাইক আৰোহী ক্ৰমে বিশ্বনাথৰ বালিচাঙৰ ধন পাগাগ (৩৬)আৰু গম্বৰ বসুমতাৰীৰ (৩৫) ঘটনাস্থলীতে মৃত্যু ঘটা বুলি জানিব পৰা গৈছে।
আৰক্ষীয়ে ইতিমধ্যে তদন্ত অব্যাহত ৰাখিছে যদিও ঘটনাৰ লগত জড়িত চালক জন ইতিমধ্যে পলাতক বুলি আৰক্ষীয়ে জানিব দিয়ে।
