নাগালেণ্ডৰ ফেক চহৰক পেলনীয়া সামগ্ৰী-মুক্ত চহৰ ঘোষণা ফেক চহৰ চেখেছাং ছাত্ৰ সন্থাৰ

নাগালেণ্ডৰ ফেক চহৰক  ফেক চহৰ চাখেছাং ছাত্ৰ সন্থাই (The Phek Town Chakhesang Students’ Union চমুকৈ PTCSU) পেলনীয়া সামগ্ৰী-মুক্ত চহৰ হিচাপে ঘোষণা কৰিছে। শনিবাৰে ছাত্ৰ  সংগঠনটোৱে ইয়াৰ সপ্তম অনাময় ও ঘোষণা অভিযানৰ (7th phase sanitation drive-cum-declaration) সময়ত ফেক চহৰক এইদৰে পেলনীয়া সামগ্ৰী নিষিদ্ধ চহৰ হিচাপে ঘোষণা কৰে।

ছাত্ৰ সংগঠনটোৱে ৰাজ্যখনৰ বন বিভাগৰ দ্বাৰা ফেক চহৰৰ ‘ক্লক টাৱাৰ’ত  আয়োজন কৰা এই অনুষ্ঠানত স্থানীয় ‘ৰয়েল ফাউণ্ডেশ্যন স্কুল’ক চহৰখনৰ প্ৰথমখন পেলনীয়া সামগ্ৰী মুক্ত বিদ্যালয় হিচাপে ঘোষণা কৰা হয়।

এই অনুষ্ঠানত নিমন্ত্ৰিত বক্তা হিচাপে উপস্থিত থাকি ফেকৰ অতিৰিক্ত উপায়ুক্ত আভেলু ৰুহেৱে চহৰখন পৰিষ্কাৰ-পৰিচ্ছন্ন আৰু সেউজ কৰি ৰখাৰ ক্ষেত্ৰত ফেক চহৰ চাখেছাং ছাত্ৰ সন্থাই গ্ৰহণ কৰা ভুমিকাৰ শলাগ লয়।

তেওঁ আৰু কয় যে পৰিষ্কাৰ-পৰিচ্ছন্নতা প্ৰতি গৰাকী নাগৰিকৰেই দায়িত্ব। তেওঁ উপস্থিত সমজুৱাক প্ৰদূষণৰ পৰা মুক্ত থকাৰ বাবে আহ্বান জনায়।

অহা বছৰত অনুষ্ঠিত হ’বলগীয়া বৃক্ষ ৰোপণ কাৰ্যসূচীত অংশগ্ৰহণ কৰাৰ বাবে ৰুহোৱে ছাত্ৰ সংগঠনটোক আহ্বান জনায় । তেওঁ কয় যে তেওঁ চহৰখনত ২০০০জোপা চেৰীগছৰ পুলি ৰোপণ কৰাৰ পৰিকল্পনা কৰিছে।

তেওঁ আৰু কয় যে ফেক চহৰৰ ৰয়েল ফাউণ্ডেশ্যন স্কুলক প্ৰথমখন পেলনীয়া সামগ্ৰী মুক্ত বিদ্যালয় হিচাপে ঘোষণা কৰাৰ প্ৰশংসাসূচক প্ৰমাণপত্ৰ প্ৰদান কৰা হ’ব। বিদ্যালয়খনৰ ব্যৱস্থাপনা কমিটীখনে স্বচ্ছ ভাৰত অভিযানৰ অন্তৰ্গত পৰিষ্কাৰ-পৰিচ্ছন্নতাৰ ওপৰত জোৰ দিয়ে আৰু চহৰখন পৰিচ্ছন্ন কৰি ৰখাৰ সৈতে জড়িত থকাৰ বাবে ছাত্ৰ সংগঠনটোৰ প্ৰতি কৃতজ্ঞতা জ্ঞাপন কৰে।

ছাত্ৰ সংগঠনটোৱে চহৰখন পৰিচ্ছন্ন কৰি ৰখাৰ বাবে ৪টা জাবৰ পেলোৱা পাত্ৰ (litterbin) দান কৰে আৰু বন বিভাগে ৰয়েল ফাউণ্ডেশ্যন স্কুলক এটা জাবৰ পেলোৱা পাত্ৰ দান কৰে।

এই কাৰ্যসূচীত খৃষ্টিয়ান মিশ্যনাৰী উচ্চতৰ মাধ্যমিক বিদ্যালয় আৰু ৰয়েল ফাউণ্ডেশ্যন স্কুলৰ প্ৰায় ৮৫ ০গৰাকী ছাত্ৰ-ছাত্ৰীয়ে চহৰখনৰ ক্লক টাৱাৰৰ পৰা উপায়ুক্তৰ কাৰ্যালয়লৈকে বিস্তৃত এটা অনাময় অভিযানত  অংশগ্ৰহণ কৰে।

ফেক চহৰ চাখেছাং ছাত্ৰ সন্থাই আয়োজন কৰা এই অনাময় কাৰ্যসূচীত চহৰখনত মোতায়েন আছাম ৰাইফলছৰ বিষয়া আৰু জোৱানসকলেও অংশগ্ৰহণ কৰে।