অংগনৱাড়ী কৰ্মী, সহায়িকা সকলক কেন্দ্ৰীয় চৰকাৰে কৰা ঘোষণা অনুসৰি এই বছৰৰ অক্টোবৰৰ মাননি বৃদ্ধি কৰি নৱেম্বৰত দিয়া কথা আছিল যদিও বৰ্তমানো এই ঘোষণা কাৰ্যকৰী হোৱা নাই।
ফলত ক্ষোভিত হৈ পৰিছে তিনিচুকীয়া জিলাৰ অসম অংগনৱাড়ী কৰ্মী সহায়িকা সকল। লগতে অতি শীঘ্ৰে মাননি বৃদ্ধি কৰা আৰু মাননি মোকলাই দিবলৈ অসম অংগনৱাড়ী কৰ্মী, সহায়িকা সন্থাৰ মাৰ্ঘেৰিটা সমিতিৰ সম্পাদিকা ভাৰতী বৰগোহাঁই গগৈ আৰু আইমনি বৰুৱাই দাবী উত্থাপন কৰিছে।
আনহাতে আজি তিনিচুকীয়া জিলাৰ মাকুমৰ যুগল কিশোৰ কিষাণ ভৱনত অঞ্জনা দেৱীৰ পৌৰোহিত্যত অনুষ্ঠিত হোৱা এখন সভাত তিনিচুকীয়া জিলাৰ অসম অংগনাৱাড়ী কৰ্মী সহায়িকা সন্থা গঠন কৰা হয়৷
এই সভাত সভাৰ উদেশ্য ব্যাখ্যা কৰে মাৰ্ঘেৰিটাৰ অসম অংগনৱাড়ী কৰ্মী সহায়িকা সন্থাৰ সম্পাদিকা ভাৰতী বৰগোহাঁই গগৈয়ে৷
এই সভাত পুতুল কুমাৰ কলিতা অতিথি হিচাপে উপস্থিত থকাৰ লগতে সভাত মনিকা শইকীয়া, দিপালী ফুকন, ৰৌচনী ৰচকৰ লগতে বহুকেইগৰাকী অংগনৱাড়ী কৰ্মী, সহায়িকা উপস্থিত থাকে৷
এই সভাতেই অঞ্জনা দেৱীক সভানেত্ৰী আৰু দিপালী গগৈক সম্পাদিকা হিচাপে লৈ তিনিচুকীয়া জিলাৰ ৫টা প্ৰকল্পৰ কৰ্মী, সহায়িকাক লগত লৈ তিনিচুকীয়া জিলা সমিতিখন গঠন কৰা হয়৷
