বড়ো সকলক পার্বত্য জনজাতি মৰ্য্যদা দিয়া বিধেয়কৰ প্ৰতিবাদত ডিমাছা ষ্টুডেন্টছ ইউনিয়ন, মাৰ স্টুডেন্ট এছোচিয়েশ্যন, কাৰ্বি ষ্টুডেন্টছ ইউনিয়নকে ধৰি মুঠ ৬টা ছাত্ৰ সংগঠনে বুধবাৰৰ পুৱা ৫-০০ বজাৰ পৰা ২৪ ঘন্টীয়া ডিমা হাচাও জিলা বন্ধৰ আহ্বান জানাইছে।
আজি হাফলং ডিএছইউৰ মুখ্য কাৰ্যালয়ত এখন সংবাদমেল পাতি বন্ধৰ কথা ঘোষণা কৰে ডিএছইউৰ কেন্দ্ৰীয় সাধাৰণ সম্পাদক প্ৰমিত চেঙগুইনে। বড়োসকলক ষষ্ঠ অনুসূচীৰ অন্তৰ্গত ডিমা হাছাও আৰু কাৰ্বি আংলঙত পার্বত্য জনজাতি মৰ্য্যদা দিয়াৰ প্ৰতিবাদৰ উপৰিও দুই পার্বত্য জিলাক সামৰি ভাৰতীয় সংবিধানৰ ২৪৪(ক) ধাৰাৰ অধীনত স্বায়ত্ত শাসিত ৰাজ্য গঠনৰো দাবী উত্থাপন কৰে। মাৰ স্টুডেন্ট ইউনিয়নেও বড়োসকলক এই জিলাত পার্বত্য জনজাতি মৰ্যাদা দিয়া চৰকাৰী প্ৰস্তাবৰ বিৰোধিতা কৰে।
ডিমাচা স্টুডেন্ট ইউনিয়নৰ কেন্দ্ৰীয় কমিটিৰ সাধাৰণ সম্পাদক চেংগুইনে কয় যে বড়োসকলৰ লগত আমাৰ কোনো বিবাদ নাই। আমি চৰকাৰী প্ৰস্তাবৰ প্ৰতিবাদ জনাইছোঁ।
