২০১৯ চনৰ নিৰ্ধাৰিত চৰকাৰী বন্ধৰ তালিকা চৰকাৰে প্ৰকাশ কৰিছে। যোৱা ১৭ ডিচেম্বৰত কেবিনেট বৈঠকে বন্ধৰ তালিকাত অনুমোদন জনোৱাৰ পিছত ১৮ ডিচেম্বৰত সেই তালিকা প্ৰকাশ কৰিছে চৰকাৰে।
বন্ধৰ তালিকাত ৰাজ্যিক কৰ্মচাৰীয়ে মুঠ কিমান দিন কি কি উৎসৱ-পাৰ্বণৰ বাবে চৰকাৰী বন্ধ পাব, সেই কথা থিৰাং হৈছে।
চৰকাৰী বন্ধৰ তালিকাত আছে মুঠ ৩৫ দিন আৰু ইয়াৰ উপৰি দুটা দিন অৰ্ধছুটী হিচাপে লাভ কৰিব। অৰ্ধছুটীৰ দিন দুটা হ’ল ১০ ছেপ্টেম্বৰ (মহৰম) আৰু ১৩ অক্টোবৰ (লক্ষ্মী পূজা)। আনহাতে এই ৩৫টা দিনৰ উপৰি সংৰক্ষিত বন্ধৰ তালিকাত আছে ২৫টা দিন।
উল্লেখযোগ্য যে কৰ্মচাৰীসকলে মাহৰ দ্বিতীয় আৰু চতুৰ্থ শনিবাৰ বন্ধ পায়। গতিকে মুঠ ২৪টা দিন এইদৰেও বন্ধ পায়। এইবোৰৰ লগতে মুঠ দেওবাৰ আছে ৫২টা।
আনহাতে কৰ্মচাৰীসকলে ১২টা দিন নৈমিত্তিক ছুটী ল’ব পাৰিব। আৰ্জিত ছুটী (earned leave) ল’ব পাৰিব ৩০ দিন। বন্ধৰ সম্পূৰ্ণ তালিকাখনত তলত দিয়া হ’ল-
২০১৯ চনৰ বাবে চৰকাৰী বন্ধৰ তালিকা
- ১৫, ১৬ জানুৱাৰি : মাঘ বিহু, টুছু পূজা
- ২৩ জানুৱাৰি : নেতাজীৰ জন্মদিন
- ২৬ জানুৱাৰি : গণৰাজ্য দিৱস
- ২৯ জানুৱাৰি : গৌথাৰ বাথৌ ছান (বড়োসকলৰ এটা প্ৰধান উৎসৱ)
- ৩১ জানুৱাৰি : মে-ডাম-মেফি
- ১৯ ফেব্ৰুৱাৰি : বীৰ চিলাৰায় দিৱস
- ২১ মাৰ্চ : দৌলযাত্ৰা
- ১৪, ১৫, ১৬ এপ্ৰিল : বহাগ বিহু
- ১৯ এপ্ৰিল : গুড ফ্ৰাইডে’
- ১ মে’ : মে’ দিৱস
- ৫ মে’ : শ্ৰীদামোদৰদেৱৰ তিথি
- ১৮ মে’ : বুদ্ধ পূৰ্ণিমা
- ১৯ মে’ : শ্ৰীমাধৱদেৱৰ জন্মোৎসৱ
- ৫ জুন : ঈদ-উল-ফিটৰ
- ১২ আগষ্ট : ঈদ-উজ-জোহা
- ১৫ আগষ্ট : স্বাধীনতা দিৱস
- ২০ আগষ্ট : শ্ৰীমাধৱদেৱৰ তিথি
- ২৪ আগষ্ট : জন্মাষ্টমী
- ২ ছেপ্টেম্বৰ : শ্ৰীমন্ত শংকৰদেৱৰ তিথি
- ২ অক্টোবৰ : গান্ধী জয়ন্তী
- ৫, ৬, ৭, ৮ অক্টোবৰ : দুৰ্গা পূজা
- ৮ অক্টোবৰ : শ্ৰীমন্ত শংকৰদেৱৰ জন্মোৎসৱ
- ১৮ অক্টোবৰ : কাতি বিহু
- ২৭ অক্টোবৰ : কালী পূজা আৰু দীপাৱলী
- ২ নৱেম্বৰ : ষট্ পূজা
- ১২ নৱেম্বৰ : গুৰু নানকৰ জন্মদিন
- ২৪ নৱেম্বৰ : লাচিত দিৱস
- ২ ডিচেম্বৰ : অসম দিৱস
- ২৫ ডিচেম্বৰ : খ্ৰীষ্টমাছ
