যি সকলে অসম আন্দোলনৰ বিৰোধিতা কৰিছিল সেই সকলেই বৰ্তমান নাগৰিকত্ব সংশোধনী বিধেয়কৰ বিৰোধিতা কৰিছে। ১৯ জানুৱাৰিত কলিয়াবৰৰ মিছাৰ মিলন সংঘত অনুষ্ঠিত হোৱা বিজেপিৰ প্ৰমুখ পৃষ্ঠা নিযুক্তিৰ এক দলীয় সভাত অংশ গ্ৰহণ কৰি এই মন্তব্য কৰে বিজেপিৰ ৰাজ্যিক সভাপতি ৰঞ্জতি দাসে।
তাৰোপৰি দাসে কয় যে, ‘অসম চুক্তিৰ ৩৩ বছৰৰ পাছটো ৬ নং দফা কাৰ্যকৰী কৰাৰ বাবে অগপ-কংগ্ৰেছে পদক্ষেপ নল’লে। সেয়ে অসম চুক্তিৰ পিছত নাগৰিকত্ব সংশোধনী বিধেয়কৰ দৰে এটা ভাল কাম অন্তত আমাৰ দিনত হোৱাৰ সম্ভাৱনা আছে।’
লগতে ৭০ টাকৈ জাতীয় সংগঠনক টিভিকেন্দ্ৰীক বুলি সমালোচনা কৰি নাগৰিকত্ব বিধেয়কৰ বিৰোধিতা কৰাৰ নৈতিক অধিকাৰ চিপিএম আৰু প্ৰাক্তন মুখ্য মন্ত্ৰী তৰুণ গগৈৰ নাই বুলি কয়।
কৃষক নেতা অখিল গগৈ নক্সালৰ আজ্ঞাবাহী। এই আইন পাছ হোৱাৰ পিছত এজনো বিদেশী আহবি নোৱাৰে আৰু মানৱতা যুক্তিৰ খাতিৰত ধৰ্মীয় পিড়ীত মানুহক নাগৰিকত্ব দিব। মন্তব্য ৰঞ্জিত দাসৰ।
দুৰ্নীতিমুক্ত পঞ্চায়তৰ শ্ল’গান হৈছে পঞ্চায়তত জয়ী হোৱাৰ একমাত্ৰ চাবিকাঠি সেয়ে কলিয়াবৰত নৱ নিযুক্ত পঞ্চায়তৰ সকলো বিষয়ববীয়াক অতি নিষ্ঠাৰে আৰু সততাৰে দুর্নীতি মুক্ত পঞ্চায়ত গঢ়াৰ ক্ষেত্ৰত দৃঢ়তাৰে কাম কৰি যাবলৈ অনুৰোধ জনায়।
আনহাতে এই জানুৱাৰী মাহতে অনুষ্ঠিত হ’ব লগা খিলঞ্জীয়া পৰিষদৰ চাৰিটাকৈ পদ বিজেপিয়েই দখল কৰাটো নিশ্চিত বুলি ৰঞ্জিত দাসে ভাষণত উল্লেখ কৰে।
ইফালে দলীয় সভাত অংশ গ্ৰহণ কৰিবলৈ অহাৰ সময়ত কলিয়াবৰত ৰঞ্জিত দাসক আছুৰ সদস্যই ক’লা পতাকা প্ৰদৰ্শন কৰাৰ কথা আছিল যদিও এই বিষয়ে আগতীয়াকৈ জানিব পাৰি সভাপতি গৰাকীয়ে অতি কৌশলেৰে বেলেগ পথেৰে সভাকক্ষত উপস্থিত হয়।
