তীৰ্থ ভ্ৰমণকাৰী আৰু পৰ্যটকৰ বাবে এক সুখবৰ। যিহেতু ভাৰতীয় ৰে’ল আৰু আই আৰ চি টি চিৰ উদ্যোগত ‘ভাৰত দৰ্শন’ শীৰ্ষক বিশেষ পৰ্যটন ৰে’লসেৱাৰ অলপতে ঘোষণা কৰা হয়।
উত্তৰ-পূব সীমান্ত ৰে’লৱেৰ জনসম্পৰ্কীৰক্ষী বিষয়া নৃপেন ভট্টাচাৰ্যই কয় যে এই বিশেষ ৰে’লগাড়ীখনে অহা ২০ ফেব্ৰুৱাৰিত গুৱাহাটীৰ পৰা যাত্ৰা আৰম্ভ কৰি ১৫ দিন ১৪ ৰাতিৰ ভ্ৰমণ কাৰ্যসূচীত পুৰীকে ধৰি দক্ষিণ ভাৰতৰ তিৰুপতি, কন্যাকুমাৰী, ৰামেশ্বৰম, মাদুৰাই আদি বিভিন্ন তীৰ্থস্থান আৰু পৰ্যটনস্থলী সামৰি ল’ব।
বৰ্তমান এই বিশেষ পৰ্যটন ৰে’লগাড়ীখনৰ টিকট বুকিং প্ৰক্ৰিয়া আৰম্ভ হৈছে। যাত্ৰীসকলে আই আৰ চি টি চি গুৱাহাটীৰ আমবাৰীৰ কাৰ্যালয় অথবা আই আৰ চি টি চিৰ ৱেবছাইটযোগেও অনলাইন টিকট ক্ৰয় কৰিব পাৰিব।
উল্লেখযোগ্য যে এই বিশেষ ৰে’ল গাড়ীখনৰ টিকটৰ মূল্য হ’ব ১৪,১৭৫ টকা। এই টিকটৰ মূল্যতে অন্তৰ্ভুক্ত থাকিব যাত্ৰীসকলৰ থকা-খোৱা আৰু অন্যান্য যাতায়াতৰ খৰচ।
