গঠন হৈয়ে মোদীৰ হিন্দুত্বৰ ৰাজনীতিক প্ৰত্যাহ্বান জনোৱা প্ৰবীণ টোগাড়িয়াৰ হিন্দুস্থান নিৰ্মাণ দলৰো আছে হিন্দু বাংলাদেশীক সংস্থাপনৰ এজেণ্ডা। এই কথা আজি নিজমুখে স্বীকাৰ কৰিলে বিশ্ব হিন্দু পৰিষদৰ বহিষ্কৃত নেতাজনে।
আজি গুৱাহাটীৰ শ্ৰীমন্তপুৰত এখন সংবাদমেল অনুষ্ঠিত কৰি কট্টৰপন্থী হিন্দুত্ববাদী নেতাজনে হিন্দু বাংলাদেশীক কোনো কাৰণতেই ভাৰতৰ পৰা বহিষ্কাৰ নকৰাৰ পোষকতা কৰে। তেওঁ নতুনকৈ গঠন কৰা হিন্দুস্থান নিৰ্মাণ দলৰ সেয়া এজেণ্ডাই বুলি জানিবলৈ দিয়ে।
অৱশ্যে কেন্দ্ৰীয় চৰকাৰৰ হিন্দু বাংলাদেশীক সংস্থাপনৰ ষড়যন্ত্ৰৰ বিৰুদ্ধে মৰণপণ যুঁজ দিয়া অসমৰ ৰাইজক এইবাৰ বিষয়টোত এটা নতুন সমীকৰণ আগ বঢ়াইছে টোগাড়িয়াই। হিন্দু বাংলাদেশীক অসম তথা উত্তৰ-পূবৰ পৰিৱৰ্তে ভাৰতৰ অন্যান্য ঠাইত সংস্থাপিত কৰাৰ আঁচনি লোৱা বুলি জনায়।
“এই দেশ ধৰ্মৰ আধাৰত ভাগ ভাগ হৈছে। হিন্দুৰ বাবে হিন্দুস্তান, মুছলমানৰ বাবে পাকিস্তান। বাংলাদেশত যদি কোনো হিন্দুৰ ওপৰত অত্যাচাৰ হৈছে তেওঁলোকৰ মাতৃভূমি ভাৰত আছে”, মোদীৰ সুৰতে সুৰ মিলাই প্ৰৱীণ টোগাড়িয়াই কয়।
তেওঁ কেৱল ভাৰতত বাংলাদেশীসকলক আশ্ৰয় দিয়াই নহয়, তেওঁলোকৰ বাবে কলনি নিৰ্মাণ কৰাৰ বাবে ভাৰত চৰকাৰৰ পৰা বৃহৎ অংকৰ ধন বিচৰা বুলিও জানিবলৈ দিয়ে।
“মই ভাৰত চৰকাৰৰ পৰা বাংলাদেশী হিন্দুক নাগৰিকত্ব দি সংস্থাপিত কৰাৰ বাবে পাঁচ হাজাৰ কোটি টকা বিচাৰি আছো। তেওঁলোকৰ বাবে চুৰাট, লুধিয়ানা, জলন্ধৰ, বাংগালোৰ, হায়দৰাবাদ আদিত কলনি স্থাপন কৰা হওক”, সংবাদমেলত জনালে টোগাড়িয়াই।
তেওঁ সেইবোৰ অঞ্চলত উদ্যোগ আছে আৰু উদ্যোগত কাম কৰা শ্ৰমিকৰো প্ৰয়োজন আছে বুলি দাবী কৰি বাংলাদেশী হিন্দুৰে সেই প্ৰয়োজন পূৰণ কৰিব লাগে বুলি যুক্তি দাঙি ধৰে।
ইয়াৰ উপৰি তেওঁ কয় যে অসমত বাংলাদেশী হিন্দু নাথাকিলে সমস্যা নোহোৱা হ’ব। আৰু গুজৰাট, ৰাজস্থান, অন্ধ্ৰ প্ৰদেশ, কৰ্ণাটক আদি ৰাজ্যত হিন্দু বাংলাদেশীয়ে একো সমস্যা নকৰে। সেয়ে অসমৰ বাহিৰে সেই ৰাজ্যসমূহত তেওঁলোকক থকাৰ ব্যৱস্থা, এবছৰৰ বাবে খাদ্যৰ যোগান, এবছৰৰ বাবে তেওঁলোকৰ শিশুসকলৰ শিক্ষাৰ দায়িত্ব লোৱাৰ বাবে দাবী জনায়।
আনহাতে সকলো বাংলাদেশী মুছলমান অসমৰ লগতে সমগ্ৰ দেশৰ পৰাই বহিষ্কাৰ হ’ব লাগিব বুলি দাবী কৰে। বাংলাদেশী মুছলমানসকলক চিনাক্ত কৰি ডিটেইনশ্যন কেম্পলৈ প্ৰেৰণ কৰিব লাগে বুলিও তেওঁ মন্তব্য কৰে।
মুছলমান বাংলাদেশীৰ বিৰূদ্ধে ব্যৱস্থা গ্ৰহণৰ বাবে ৰাজ্যত চলি থকা ৰাষ্ট্ৰীয় নাগৰিকপঞ্জী উন্নীতকৰণ প্ৰক্ৰিয়ালৈ চৰকাৰে অপেক্ষা কৰি থকাৰো প্ৰয়োজন নাই বুলি টোগাড়িয়াই মন্তব্য আগ বঢ়ায়।
“‘অসম চৰকাৰে বিদেশীৰ আইন (Foreigners Act) প্ৰয়োগ কৰি সন্দেহযুক্ত বাংলাদেশীক ডিটেনশ্যন কেম্পলৈ লৈ যোৱাৰ ব্যৱস্থা কৰক। এন আৰ চিৰ কাম সম্পূৰ্ণ হোৱালৈ ৰৈ থাকিব নালাগে। সন্দেহযুক্ত বাংলাদেশী মুছলমানক ডিটেনশ্যন কেম্পলৈ লৈ যোৱাৰ ক্ষেত্ৰত অসম চৰকাৰে উচ্চতম ন্যায়ালয়ৰ অনুমতি লোৱাৰ প্ৰয়োজন নাই”, হিন্দু বাংলাদেশীৰ প্ৰতি লোৱা সম্পূৰ্ণ বিপৰীত দৃষ্টিভংগিৰে টোগাড়িয়াই কয়।
ৰাজ্যখনত নৱগঠিত দলটোৱে কেইবাটাও সমষ্টিত প্ৰাৰ্থী দিব বুলি কৈ নিৰ্বাচনী প্ৰতিশ্ৰুতিৰ ভিতৰত অযোধ্যাত ৰাম মন্দিৰ, দেশক বাংলাদেশী-মুছলমান শূন্য কৰা, কাশ্মীৰত শান্তি প্ৰতিষ্ঠা আৰু সৈনিকক সুৰক্ষা দিয়া আৰু গোৰক্ষাৰ এজেণ্ডা লৈ আগ বাঢ়িব বুলিও জানিবলৈ দিয়ে।
কালিৰ সংবাদমেলখনৰ দৰে আজিও মোদীৰ নীতি আৰু স্থিতিক সমালোচনা কৰে কট্টৰ হিন্দুত্ববাদী নেতাজনে। তেওঁ মোদীৰ অৰ্থনৈতিক নীতিয়ে গৰিবক অধিক গৰিব কৰিলে আৰু ধনীক অধিক ধনী কৰিলে বুলি অভিযোগ কৰে।
