অসমৰ ক্ৰীড়া জগতৰ বাবে আন এক সুখবৰ। চীনৰ মাটিত ১৭ অনূৰ্ধ্বৰ এখন এথলেটিকছ প্ৰতিযোগিতাত অম্ব্ৰিতা নাৰ্জাৰীয়ে ব্ৰঞ্জৰ পদক আজৰি অনাৰ পাছত এইবাৰ আবুধাবিত জিলিকিছে আন এগৰাকী অসম সন্তান অভিষক গগৈ।
যোৱা ১৪ মাৰ্চৰ পৰা আবুধাবিত অনুষ্ঠিত হৈ থকা বিশেষ অলিম্পিকছত গুৱাহাটীৰ অভিষেক গগৈয়ে ১০ কিলোমিটাৰ চাইক্লিং ইভেণ্টত ৰূপৰ পদক অৰ্জন কৰিছে।
আন্তঃৰাষ্ট্ৰীয় তথা সন্মানীয় প্ৰতিযোগিতাখনত উত্তৰ-পূবক প্ৰতিনিধিত্ব কৰা একমাত্ৰ খেলুৱৈ অভিষেকে ৰূপৰ পদক অৰ্জন কৰাত উৎফুল্ল হৈ পৰিছে সমগ্ৰ অসমবাসী।
উল্লেখ্য যে অভিষেক গগৈয়ে এই প্ৰতিযোগিতাখনত সফলতা অৰ্জন কৰিবলৈ যথেষ্ট পৰিমাণে অনুশীলন চলাইছিল। তেওঁ দৈনিক ১১বজাৰ পৰা দুপৰীয়া ৩ বজালৈ জিম আৰু ইয়াৰ পাছতে আবেলি ৪.৩০ বজাৰ পৰা নিশা ৮ বজালৈ গুৱাহাটী চহৰৰ ভিতৰত নিৰন্তৰভাৱে চলাই গৈছিল চাইক্লিঙৰ অনুশীলন।
