চলিত বৰ্ষত অসমৰ ৰাজনীতিত আত্মপ্ৰকাশ কৰা কনৰাড চাংমা নেতৃত্বাধীন নেশ্যনেল পিপলছ পাৰ্টি চমুকৈ এন পি পিয়ে আজি আগন্তুক লোকসভা নিৰ্বাচনত প্ৰতিদ্বন্দ্বিতা কৰাৰ বাবে অসমৰ পাঁচটা সমষ্টিত প্ৰাৰ্থীৰ নাম ঘোষণা কৰে।
এন পি পিয়ে ঘোষণা কৰা পাঁচটা সমষ্টি হ’ল ক্ৰমে তেজপুৰ, শিলচৰ, কলিয়াবৰ, যোৰহাট আৰু ডিব্ৰুগড়।
দলীয় প্ৰাৰ্থীৰ তালিকাত প্ৰকাশ পোৱা অনুসৰি তেজপুৰ সমষ্টিত ৰাম বাহাদুৰ সোণাৰ, শিলচৰত নাজিয়া য়াছমিন মজুমদাৰ, কলিয়াবৰত আব্দুল আজিজ, যোৰহাটত মকলা ৰাজকোঁৱৰ আৰু ডিব্ৰুগড লোকসভা সমষ্টিত ভৱেন বৰুৱাই প্ৰতিদ্বন্দ্বিতা আগবঢ়াব।
উল্লেখযোগ্য যে, অসমৰ ১৪ টা লোকসভা সমষ্টিত প্ৰতিদ্বন্দ্বিতা কৰাৰ কথা ঘোষণা কৰিছিল এন পি পিৰ সভাপতি তথা মেঘালয়ৰ মুখ্য মন্ত্ৰী কনৰাড চাংমাই।
প্ৰথম বাৰৰ বাবে অসমত প্ৰতিদ্বন্দ্বিতা কৰিবলগীয়া দলটোৰ প্ৰাৰ্থী সকল বিজয় হ’ব নোৱাৰিলেও সমষ্টি ভেদে যে বিজেপি, কংগ্ৰেছ, অগপ আৰু এ আই য়ু ডি এফৰ প্ৰাৰ্থীৰ ভোট বিভাজন কৰি ৰাজনৈতিক সমীকৰণত আউল লগাব সেইটো নিশ্চিত।
