সমগ্ৰ দেশৰ বিভিন্ন ৰাজ্যৰ লগতে অসমৰ ৫ টা সমষ্টিত আজি পুৱা ৭ বজাৰ পৰা ভোটদান প্ৰক্ৰিয়া আৰম্ভ হৈছে। ভোটকেন্দ্ৰ সমূহত পুৱাৰে পৰা ভোটাৰ ৰাইজৰ ভিৰ দেখিবলৈ পোৱা গৈছে।
শিৱসাগৰ নিৰ্বাচনী জিলাৰ অন্তৰ্গত শিৱসাগৰ, থাওৰা আৰু আমগুৰি বিধানসভা সমষ্টি ৫০৬টা ভোটগ্ৰহণ কেন্দ্ৰত বৰ্তমানলৈকে শান্তিপূৰ্ণভাৱে ভোটদান চলি আছে। নিৰাপত্তা দিশৰ ওপৰত লক্ষ্য ৰাখি আৰক্ষী প্ৰশাসনে প্ৰতিটো ভোটগ্ৰহণ কেন্দ্ৰত এজন কনিষ্টবল আৰু এজন গৃহৰক্ষী জোৱান নিয়োগ কৰাৰ লগতে ৮৪টা স্পৰ্শকাতৰ কেন্দ্ৰত আৰক্ষীৰ লগতে অৰ্ধ-সামৰিক বাহিনী নিয়োগ কৰিছ।
আনহাতে যোৰহাট লোকসভা সমষ্টিৰ প্ৰাৰ্থী তপন কুমাৰ গগৈয়ে পুৱাই পৰিয়ালসহ নিজৰ ভোটাধিকাৰ সাব্যস্ত কৰে। তেওঁ সোণাৰী সমষ্টিৰ নগাহাট উচ্চতৰ মাধ্যমিক বিদ্যালয়ৰ ভোট কেন্দ্ৰত ভোটদান কৰে। ভোটদান কৰি প্ৰাৰ্থী গৰাকীয়ে সকলো ৰাইজক ভোটদান কৰি নিজৰ গণতান্ত্ৰিক অধিকাৰ সাব্যস্ত কৰিবলৈ আহ্বান জনায়।
