ভাৰত তথা অসমৰ স্পৰ্ষ্ট বাইকাৰ সকলৰ বাবে এক সুখবৰ। প্ৰখ্যাত বাইক নিৰ্মাণ কোম্পানী KTMয়ে অৱশেষত ভাৰতৰ গ্ৰাহকৰ বাবে মুকলি কৰিলে ইয়াৰ বহু প্ৰতিক্ষিত বাইক KTM RC 125 ABS।
আজি দিল্লীৰ এটা এক্স-স্ব’ৰূমত ১.৪৭ লাখ টকাত বাইকখন আনুষ্ঠানিকভাৱে মুকলি কৰা হয়। ইতিমধ্যে কোম্পানীটোৱে বাইকখনৰ বুকিং আৰম্ভ কৰি দিছে আৰু এই মাহৰ শেষৰফালে বাইকখনৰ ডেলিভাৰী আৰম্ভ হ’ব।
উল্লেখযোগ্য যে মূলত অষ্ট্ৰীয়াৰ মটৰচাইকেল আৰু স্পৰ্ষ্ট কাৰ নিৰ্মাণ প্ৰতিষ্ঠান KTMৰ বাইকসমূহ আন ঠাইৰ লগতে অসমৰো যুৱচামৰ মাজত বেছ জনপ্ৰিয় হৈ পৰিছে।
দুটা ৰঙত উপলব্ধ হ’বলগীয়া KTM RC 125 ABS বাইকখন কোম্পানীটোৰ ভাৰতত থকা ৪৫০টা স্ব’ৰূমত পোৱা যাব বুলি প্ৰতিষ্ঠানটোৰ ফালৰ পৰা জনোৱা হয়।
