উত্তৰ-পূব সীমান্ত ৰে’লৱেই অহা সোমবাৰৰ পৰা নতুন সময়সূচী কাৰ্যকৰী কৰাৰ লগতে সংযোগ সুষম কৰি তোলাৰ ব্যৱস্থা হিচাপে ইয়াৰ ষোল্লখন ৰে’লৰ গতিবেগ বৃদ্ধি কৰিছে।
উক্ত ষোল্লখন ৰে’লৰ যাত্ৰাৰ সময় পাঁচ মিনিটৰ পৰা ত্ৰিশ মিনিটলৈ হ্ৰাস কৰা হৈছে।
দহ মিনিটৰ হিচাপত যাত্ৰাৰ সময় হ্ৰাস কৰা ৰে’লকেইখনৰ ভিতৰত আছে, ১৫৬৩১ বাৰ্মাৰ-গুৱাহাটী এক্সপ্ৰেছ, ৫৫৬৮১ বেলনিয়া-আগৰতলা যাত্ৰীবাহী, ৫৫৬৮৩ বেলনিয়া-আগৰতলা যাত্ৰীবাহী, ১৩২৪৫ নিউ জলপাইগুৰি-ৰাজেন্দ্ৰনগৰ কেপিটেল এক্সপ্ৰেছ আৰু ১৫৪১৮ শিলঘাট টাউন-আলিপুৰদুৱাৰ জং. ৰাজ্যৰাণী এক্সপ্ৰেছ।
ইপিনে, পোন্ধৰ মিনিটৰ যাত্ৰা সময় হ্ৰাস কৰা কেইখনমান ৰে’লৰ ভিতৰত আছে, ৫৫৬৮২ আগৰতলা-বেলনিয়া যাত্ৰীবাহী, ৫৫৬৬৩ আগৰতলা-শিলচৰ যাত্ৰীবাহী, ৫৫৬৬৪ শিলচৰ-আগৰতলা যাত্ৰীবাহী, ৭৫৭০৭ ৰাধিকাপুৰ-শিলিগুৰি ডেমু যাত্ৰীবাহী, ৭৫৭১৯ মালদা কোৰ্ট-শিলিগুৰি জং. ডেমু যাত্ৰীবাহী আৰু ১২৫০৪ আগৰতলা-বাংগালোৰ কেনট’ হামছফৰ এক্সপ্ৰেছ।
উত্তৰ-পূব সীমান্ত ৰে’লৱেই লগতে বিশ মিনিট পৰ্যন্ত যাত্ৰাৰ সময় হ্ৰাস কৰা কেইখনমান ৰে’লৰ ভিতৰত আছে, ১৫৬২৬ আগৰতলা-দেওঘৰ এক্সপ্ৰেছ আৰু ১৩১৭৪ আগৰতলা-শিয়ালদহ কাঞ্চনজংঘা এক্সপ্ৰেছ।
আনহাতে, যাত্ৰা সময় পাঁচ মিনিট আৰু বিশ মিনিটৰ মাজত হ্ৰাস কৰা ৰে’লৰ ভিতৰত আছে ক্ৰমে ১৩০৩৪ কাটিহাৰ-হাওৰা এক্সপ্ৰেছ আৰু ১৫৯০৯ ডিব্ৰুগড়-লালগড় অৱধ আছাম এক্সপ্ৰেছ।
তদুপৰি, ত্ৰিশ মনিট যাত্ৰাৰ সময় হ্ৰাস কৰা একমাত্ৰ ৰে’লখন হৈছে ১৫৬৩০ শিলঘাট টাউন-টাম্বাৰাম নগাঁও এক্সপ্ৰেছ।
