চামুৱাত অনুষ্ঠিত কমনৱেলথ ভাৰোত্তলন চেম্পিয়নশ্বিত ৪৫ কিলোগ্ৰাম আৰু ৪০ কিলোগ্ৰাম কনিষ্ঠ শাখাত সোণ আৰু ৰূপৰ পদক অৰ্জন কৰা বৰ্ণালী বৰা আৰু ৰেখামণি গগৈক আন্তৰিক অভিনন্দন জ্ঞাপন কৰে মুখ্য মন্ত্ৰী সৰ্বানন্দ সোণোৱালে।
Congratulations to Bornali Borah and Rekhamoni Gogoi for winning 🥇 & 🥈 in Junior 45 Kg and 40 Kg categories respectively at the Commonwealth #Weightlifting Championships in Samoa.
A great start. My best wishes to the team for the campaign. pic.twitter.com/PlKmszPHFA
— Sarbananda Sonowal (@sarbanandsonwal) July 9, 2019
উদীয়মান ভাৰোত্তলক দুগৰাকীয়ে ভৱিষ্যতেও বিশ্ব ক্ৰীড়াঙ্গনত আৰু অধিক পদক অৰ্জনেৰে ৰাজ্যখনৰ জনসাধাৰণৰ লগতে দেশবাসীক গৌৰৱান্বিত কৰিব বুলিও মুখ্য মন্ত্ৰীয়ে আশা প্ৰকাশ কৰে।
উল্লেখযোগ্য যে, ৫ জুলাইৰ পৰা ১৫ জুলাইলৈ চামুৱাত জেষ্ঠ, কনিষ্ঠ আৰু যুৱসকলৰ বাবে কমনৱেলথ ভাৰোত্তলন চেম্পিয়নশ্বিপ-২০১৯ অনুষ্ঠিত হৈ আছে।
প্ৰতিযোগিতাখনত অসমৰ দুয়োগৰাকী খেলুৱৈৰ চমকপ্ৰদ প্ৰদৰ্শনে ৰাজ্যৰ খেল প্ৰেমীসকলক উৎসাহিত কৰি তুলিছে।
মঙলবাৰে প্ৰতিযোগিতাখনৰ কনিষ্ঠ শাখাত বৰ্ণালী বৰা আৰু ৰেখামণি গগৈয়ে পদক অৰ্জন কৰি ৰাজ্যখনলৈ গৌৰৱ কঢ়িয়াই আনিবলৈ সক্ষম হয়। খেলুৱৈ দুগৰাকীৰ প্ৰদৰ্শনত প্ৰশিক্ষকে সন্তোষ প্ৰকাশ কৰি ভবিষ্যতে দুয়ো অধিক দমণীয় প্ৰদৰ্শন দাঙি ধৰিবলৈ সক্ষম হ’ব বুলি মত প্ৰকাশ কৰে।
