আগৰতলাক এখন পলিথিনমুক্ত অঞ্চল হিচাপে গঢ়ি তুলিবলৈ চহৰখনৰ শাক-পাচলিৰ ব্যৱসায়ী সকলে অহা ২ অক্টোবৰৰ পৰা প্লাষ্টিক পলিথিনৰ ব্যৱহাৰ বন্ধ কৰিব।
কেন্দ্ৰীয় চৰকাৰে পলিথিন তথা প্লাষ্টিক সামগ্ৰীৰ ব্যৱহাৰ বন্ধ কৰাৰ বাবে ২ অক্টোবৰৰ পৰা দেশজুৰি এক মিশ্যন আৰম্ভ কৰিব। সেই মিশ্যন ফলপ্ৰসূ কৰাৰ উদ্দেশ্যেই আৰতলাৰ শাক-পাচলিৰ ব্যৱসায়ী সকলে এই সিদ্ধান্ত লৈছে।
ইতিমধ্যে চহৰখনৰ ব্যৱসায়ী সকলে প্লাষ্টিকৰ ব্যৱহাৰ বন্ধ কৰাৰ দিশে অগ্ৰসৰ হৈছে লগতে গ্ৰাহক সকলকো সজাগ সজাগ কৰাৰ প্ৰয়াস কৰিছে।
উল্লেখ্য যে আগৰতলাৰ মহাৰাজগঞ্জ মাৰ্কেটৰ ব্যৱসায়ী সকলে এই উদ্যোগ গ্ৰহণ কৰিছে। তদুপৰি ব্যৱসায়ী সকলে গ্ৰাহক সকলক বজাৰৰ সময়ত প্লাষ্টিক সামগ্ৰীৰ বিপৰীতে অন্য ব্যৱস্থা গ্ৰহণৰ বাবে আহ্বান জনাইছে।
গোলকীয় উষ্ণতা বৃদ্ধি আৰু জলবায়ু পৰিবৰ্তনৰ প্ৰতি লক্ষ্য ৰাখি দেশৰ প্ৰধান মন্ত্ৰী নৰেন্দ্ৰ মোদীয়ে অহা ২ অক্টোবৰ অৰ্থাৎ গান্ধী জয়ন্তীৰ দিনটোৰ পৰা ভাৰতত প্লাষ্টিকৰ সামগ্ৰীৰ ব্যৱহাৰ বন্ধ কৰাৰ বাবে এক মিশ্যন শুভাৰম্ভ কৰিব।
