কোকৰাঝাৰত প্ৰথমবাৰলৈ অনুষ্ঠিত মহিলা ফুটবল লীগত ঝাৰাবৰী জাগুৱাৰক পৰাস্ত কৰি চূড়ান্ত বিজয়ীৰ খিতাপ দখল কৰিবলৈ সক্ষম হৈছে কোকৰাঝাৰ ক্ৰাচাৰে।
ভাৰতীয় সেনাৰ ৰেড হৰ্ন ডিভিছনৰ সদ্ভাৱনা কাৰ্যসূচীৰ অাধাৰত অনুষ্ঠিত আজিৰ আকৰ্ষণীয় খেলখনত কোকৰাঝাৰ ক্ৰাচাৰে ঝাৰাবৰী জাগুৱাৰক ৩-১ ব্যৱধানত পৰাস্ত কৰি খিতাপ দখল কৰে।
কোকৰাঝাৰ উচ্চতৰ মাধ্যিমক খেলপথাৰত অনুষ্ঠিত ফুটবল প্ৰতিযোগিতাখনত কোকৰাঝাৰ, গেসাঁইগাঁৱৰ উপৰি পৰ্বতঝোৰা উপ-সংমণ্ডলৰ মুঠ আঠটাকৈ দলে অংশগ্ৰহণ কৰিছিল।
আজি কোকৰাঝাৰত অনুষ্ঠিত এই মহিলা ফুটবল মেচখনক লৈ ৰাইজৰ মাজত ব্যাপক উৎসাহ দেখা পৰিলক্ষিত হয়।
মেচখনত ৰাইজৰ উপৰি ব্ৰিগেডিয়াৰ গগনদীপ, কামাণ্ডাৰ আগিয়া ব্ৰিগেড, কোকৰাঝাৰৰ উপায়ুক্ত নিৰঞ্জন বৰুৱা, বিধায়ক ৰবিৰাম নাৰ্জাৰীকে আদি কৰি অন্যান্য বিশিষ্ট ব্যক্তিসকলে অংশগ্ৰহণ কৰে।
মেচৰ অন্তত বিজয়ী দলক নগদ ৫০০০০, বিজিত দলক ২৫০০০ আৰু অংশগ্ৰহণ কৰা প্ৰতিটো দলক গাইপতি ৫০০০ টকাকৈ প্ৰদান কৰা হয়। অঞ্চলটোত এনেধৰণৰ ফুটবল খেলে যুৱতীসকলক বিশেষভাৱে অণুপ্ৰাণিত কৰিব বুলি আশা কৰা হৈছে।
ৰাইজৰ সঁহাৰিলৈ লক্ষ্য ৰাখি এনে প্ৰতিযোগিতা প্ৰতিবছৰে অনুিষ্ঠত কৰাৰ পোষকতা কৰা হৈছে।
