ড্ৰাইভিং লাইচেঞ্চ নবীকৰণৰ ক্ষেত্ৰত চৰকাৰে নতুন নিয়ম আনিছে। এতিয়াৰ পৰা যদিহে ম্যাদ ওকলাৰ এবছৰৰ ভিতৰতে আপুনি লাইচেঞ্চখনৰ ৰিনিউ নকৰে তেন্তে ভীষণ সমস্যাত পৰিব।
কিয়নো সংশোধিত যান বাহন আইন মতে এবছৰৰ ভিতৰত লাইচেঞ্চ ৰিনিউ নকৰা সকলে আৰম্ভণিৰ পৰা কৰিব লাগিব লাইচেঞ্চ বনোৱাৰ কাম।
ফলত আপুনি ২০ নম্বৰৰ কম্পিউটাৰাইজড পৰীক্ষাত বহাৰ বাবে আবেদন কৰাৰ লগতে ৩০ দিনলৈকে পাৰ্মানেণ্ট (স্থায়ী) লাইচেঞ্চৰ বাবে অপেক্ষা কৰিব লাগিব।
উল্লেখযোগ্য যে বৰ্তমান ম্যাদ ওকলা ড্ৰাইভিং লাইচেঞ্চৰ ক্ষেত্ৰত ৫০০ টকাৰ জৰিমণা বিহা হয়।
মহাৰাষ্ট্ৰত এই নতুন নিয়ম কঠোৰভাৱে কাৰ্যকৰী কৰা হৈছে। তাৰ ৰিজিয়নেল ট্ৰান্সপোৰ্ট অফিচাৰ অভয় দেশুপাণ্ডেই কয়, ‘সংশোধিত যান বাহন আইন মানি চলিবলৈ আমি বাধ্য। মহাৰাষ্ট্ৰৰ ৫০ টা RTO-তেই ইয়াক কাৰ্যকৰী কৰা আৰম্ভ হৈছে।‘
লাইচেঞ্চৰ ম্যাদ উকলি যোৱা উক্ত আবেদনকাৰী সকলৰ ক্ষেত্ৰ অন্য কোনো ‘বিশেষ ব্যৱস্থা’ নাথাকে বুলি উল্লেখ কৰি তেওঁ লগতে কয়, ‘তেওঁলোকেও অন্য আবেদনকাৰী সকলৰ সৈতে লাইনত থিয় হৈ লাৰ্নাৰ্চ লাইচেঞ্চৰ বাবে আবেদন কৰিব লাগিব।’
