ভাৰত আৰু বাংলাদেশৰ মাজত দেওবাৰে নতুন দিল্লীত অনুষ্ঠিত হ’বলগীয়া প্ৰথমখন টি-২০ খেলৰ পূৰ্বে বাংলাদেশৰ প্ৰশিক্ষক ৰছেল ডোমিংগোই ৰাজধানী দিল্লীৰ বৰ্তমানৰ পৰিবেশ খেলৰ অনুকূল নহয় বুলি উল্লেখ কৰি সেয়া দুয়োটা দলৰ বাবে একে বুলি মন্তব্য কৰে।
‘‘কোনো বেমাৰ নাই, কোনো খেলুৱৈৰ মৃত্যু হোৱা নাই। আমি এনে পৰিবেশত ছয় বা সাত ঘণ্টাতকৈ অধিক খেল খেলিব নালাগে। আমি তিনি ঘণ্টাৰ প্ৰস্তুতি চলাই আছো,’’ ডোংমিগোৰ মন্তব্য।
প্ৰশিক্ষক গৰাকীয়ে দলৰ খেলুৱৈসকলে ইয়াৰ সৈতে মোকাবিলা কৰিব লাগিব বুলিও কয়।
দেৱালীৰ পাছতে দিল্লীত প্ৰদূষণৰ মাত্ৰা বৃদ্ধি পাইছে যাৰ ফলত ৩ নৱেম্বৰত অৰুণ জেটলী ষ্টেডিয়ামত হ’বলগীয়া খেলখনক লৈ সকলো চিন্তিত হৈ আছে।
‘‘বতৰ ভাল, বেছি গৰমো নাই বেছি ঠাণ্ডাও নাই কিন্তু কুৱলী অলপ চিন্তাৰ বিষয় হৈ পৰিছে। এয়া খেলৰ বাবে আদৰ্শ পৰিবেশ নহয় যদিও আমি ইয়াক জগৰীয়া কৰিব বিচৰা নাই,’’ প্ৰশিক্ষক জমিংগোই কয়।
বাংলাদেশ দলৰ খেলুৱৈ সকলে ডিঙি আৰু চকুত কিছু অসুবিধা পাইছো যদিও সকলো ঠিকে আছে বুলিও প্ৰশিক্ষকগৰাকীয়ে উল্লেখ কৰে।
