ৰিলায়েন্স জিঅ’ই ইয়াৰ গ্ৰাহকৰ বাবে থকা প্লেনসমূহত নিৰিখ বৃদ্ধিৰ কথা ঘোষণা কৰিছে। অৱশ্যে ৰিলায়েন্স জিঅ’ই জিঅ’ৰ বাহিৰে অন্য নেটৱৰ্কত কলিঙৰ বাবে অতিৰিক্তি পইচা লোৱা ইতিমধ্যে আৰম্ভ কৰিছে আৰু ইয়াৰ বাবে নতুন পেক’ৰো আৰম্ভ কৰিছে।
আন টেলিকম কোম্পানী যেনে ভোডাফোন আইডিয়া আৰু এয়াৰটেলেও ডিচেম্বৰৰ ১ তাৰিখৰ পৰা নিৰিখ বৃদ্ধিৰ কথা ঘোষণা কৰিছে। এই বৰ্দ্ধিত নিৰিখ প্ৰিপেইড আৰু পোষ্টপেইড দুয়োটা সেৱাতে প্ৰযোজ্য হ’ব।
ৰিলায়েন্স জিঅ’ই তেওঁলোকৰ এক প্ৰেছ বিবৃতিটোত কয়,’’সংবাদ মাধ্যমৰ বাতৰিত যিধৰণে কোৱা হৈছে, আমি বুজিছো যে ট্ৰাইয়ে টেলিকম নিৰিখক লৈ আলোচনাৰ প্ৰক্ৰিয়া আৰম্ভ কৰিবলৈ গৈ আছে। দ্বিতীয়তে, অপাৰেটসকলৰ দৰে আমিও চৰকাৰৰ সৈতে কাম কৰিম আৰু নিয়ন্ত্ৰণকাৰী ব্যৱস্থাক শক্তিশালী কৰিম যাতে ভাৰতীয় গ্ৰাহকৰ লাভৰ বাবে উদ্যোগটো শক্তিশালী হ’ব পাৰে। আগন্তুক কেই সপ্তাহমানৰ ভিতৰতে আমি নিৰিখ মূল্য বৃদ্ধি কৰিম।‘’
আনহাতে, কোম্পানীটোৱে কোনটো প্লেনত কিমান টকা বৃদ্ধি কৰা হ’ব সেইটো কোৱা নাই যদিও সোনকালেই তাৰো ঘোষণা কৰা হ’ব।
ভোডাফোন আইডিয়া আৰু এয়াৰটেলও ঘোষণা কৰিছে যে অহা ১ ডিচেম্বৰৰ পৰা প্লেনসমূহৰ নিৰিখ বৃদ্ধি কৰা হ’ব। এই দুটোয়া কোম্পানীটোৱেও এতিয়ালৈকে প্লেন অনুসৰি কিমান অতিৰিক্ত পইচা দিব লাগিব সেয়া ঘোষণা কৰা নাই।
সকলো কোম্পানীয়ে নিৰিখ বৃদ্ধি কৰাৰ আঁৰত চৰকাৰৰ দ্বাৰা আদায় কৰিবলগীয়া AGRৰ কথাকে উনুকিয়াইছে। অৱশ্যে ভোডাফোন আইডিয়া আৰু এয়াৰটেলে অধিক টকা দিবলগীয়া হয়।
উল্লেখযোগ্য যে উচ্চতম ন্যায়ালয়ে অক্টোবৰ মাহত এক ৰায় প্ৰদানৰ জৰিয়তে টেলিকম বিভাগক অধিকাৰ দিয়া হৈছিল যে তেওঁলোকে টেলিকম কোম্পানীৰ পৰা মুঠ AGR ৯৪০০০ কোটি টকা আদায় কৰক।
এয়া সকলো মিলাই মুঠতে ১.৩ কোটি টকা হ’ব য’ত আটাইতকৈ বেছি ভোডাফোন আইডিয়াই ভৰিব লাগিব।
