কেন্দ্ৰীয় কেবিনেটে নাগৰিকত্ব সংশোধনী বিধেয়কক অনুমোদন জনোৱাৰ বিৰোধিতাত আজি কৃষক মুক্তি সংগ্ৰাম সমিতিয়ে দিছপুৰত উত্তাল প্ৰতিবাদ সাব্যস্ত কৰে।
নাগৰিকত্ব সংশোধনী বিধেয়কখন বাতিলৰ দাবীত হাজাৰ-হাজাৰ প্ৰতিবাদকাৰীয়ে কঁপাই তোলা পৰিলক্ষিত হয় দিচপুৰ।
প্ৰতিবাদস্থলীৰ পৰা কৃষক নেতা অখিল গগৈয়ে হুংকাৰ দি কয়, “কেব বাতিল নহ’লে ২১ত অসমৰ ৰাইজে দলিয়াই পেলাব বিজেপিক।”
“কেব গৃহীত হ’লে অসমৰ ৰাইজে বিজেপি, আৰ এছ এছক উৎখাত কৰিবলৈ সাজু। ভগৱানক পাবলৈ যিদৰে কোনোবাই জন্তু বলি দিয়ে, তেনেকৈ ভোটৰ স্বাৰ্থত বিজেপিয়ে অসমৰ ৰাইজক বলি দিবলৈ ওলাইছে। মুঠৰ ওপৰত আমি কেব নামনো।” এই মন্তব্য অধিল গগৈৰ।
দিচপুৰ লাষ্ট গেট উত্তাল কৰা কৃষক মুক্তিৰ প্ৰতিবাদকাৰী সকলে মোদী, অমিত শ্বাহ, সৰ্বানন্দ আৰু আৰ এছ এছ গ’ বেক ধ্বনি দিয়াৰ লগতে অসমে কোনো পধ্যে কেব মানি নলয় বুলি স্পষ্ট কৰি দিয়ে।
বিধেয়কখন অহা ৯ আৰু ১০ ডিচেম্বৰত ক্ৰমে লোকসভা আৰু ৰাজ্যসভাত উত্থাপন হোৱাৰ পূৰ্ণ সম্ভাৱনা আছে।
উল্লেখ কৰিব পাৰি যে কেবৰ বিৰুদ্ধে উত্তৰ-পূবৰ বিভিন্ন দল-সংগঠনে তীব্ৰ প্ৰতিবাদ সাব্যস্ত কৰি থকাৰ পিছতো কেবক লৈ যে বিজেপিয়ে কোনো আপোচ নকৰে সেয়া স্পষ্ট হৈ পৰিছে।
