নাগৰিকত্ব (সংশোধন) আইন ২০১৯বিৰোধী চলিত প্ৰতিবাদ উত্তৰ-পূব বিশেষকৈ অসমত আৰম্ভ হৈছিল, কিন্তু ই এতিয়া সমগ্ৰ দেশ ছানি ধৰিছে, চি পি আই (এম) সাধাৰণ সম্পাদক সীতাৰাম য়েচুৰিয়ে শুকুৰবাৰে কয়।
“বিজেপি চৰকাৰে অসমৰ মানুহৰ আৱেগ, অনুভূতিক বিশ্বাসঘাতকতা কৰিছে। ১৯৮৫ৰ ঐতিহাসিক অসম চুক্তি উলাই কৰি তেওঁলোকে কা গ্ৰহণ কৰিলে…আইনখনে চুক্তিৰ মূল নীতিক উলংঘা কৰিছে,” য়েচুৰিয়ে নৰ্থইষ্ট নাওক কয়।
তেওঁ কয় যে অসম আৰু সমগ্ৰ উত্তৰ-পূবতে ইয়াৰ বিৰুদ্ধে স্বতঃস্ফূৰ্ত প্ৰতিবাদ হৈছে।
“মানুহে এই দলটোৰ ধৰ্মীয় লক্ষ্য বুজি উঠিছে,” য়েচুৰিয়ে কয়।“প্ৰতিবাদে এতিয়া দেশ ছানিছে। ই হ’ব লগাই আছিল। ই অব্যাহত থাকিব যেতিয়ালৈকে আৰু যদিহে চৰকাৰে কা বাতিল নকৰে,” তেওঁ কয়।
য়েচুৰিয়ে জনাই যে তেওঁৰ দলে দেশজুৰি কা-বিৰোধিতা বাহাল ৰাখিব।
“অকল কা-য়ে নহয়, চৰকাৰে এন আৰ চিৰ সৈতেও ধৰ্মীয় ৰাজনীতি কৰিছে,” “ধৰ্ম নাগৰিকত্ব প্ৰদানৰ আধাৰ হ’ব নোৱাৰে” বুলি উল্লেখ কৰি য়েচুৰিয়ে কয়।
দেশৰ বিভিন্ন ৰাজ্যৰ লগতে ৰাজধানী নতুন দিল্লীতো কা-বিৰোধিতা অব্যাহত আছে।
দিল্লী মেট্ৰ’ ৰে’ল কৰ্পৰেচনে লাল কিলা, কাশ্মীৰী গে’ট আৰু প্ৰগতি ময়দানৰ ১৭টা মেট্ৰ’ ষ্টে’চন বন্ধ কৰি দিছিল।
